كوستيۋم، اشەكەي، قولساعات: قازاقستاندىق دەپۋتاتتاردىڭ كيىمى قانشا تۇرادى
بۇل تەك كوستيۋم- شالباردىڭ قۇنى. وعان گالستۋك پەن جەيدەنى، تۋفليدى قوسىڭىز! ودان قالسا، قول ساعاتى بار.
ال بۇرىمدى دەپۋتاتتار اي سايىن ءبىر كيىمگە قانشا تەڭگە جۇمساۋعا دايىن؟ جالپى، وتاندىق ءونىم وتاندىق شەنەۋنىكتەردىڭ اراسىندا ترەندتە مە؟ بۇل تۋرالى ەۆرازيا ارناسى حابارلايدى.
بۇگىندە ترەندتەن قالماۋ ءۇشىن برەند ىزدەيتىنىمىز بەلگىلى. شەتەلدىڭ باعاسى ۋداي برەندىك ونىمدەرى قالتانى قانشا قاققانىمەن، ودان باس تارتپايمىز. ال حالىقتىڭ قامىن ويلاپ، كۇنى- ءتۇنى زاڭ شىعارۋدان قولى بوسامايتىن ءماجىلىس دەپۋتاتتارى ايىنا ءبىر كيىمگە قانشا تەڭگە جۇمساۋعا دايىن؟ ونى وزدەرىنەن سۇراپ كوردىك.
«اي سايىن جۇمسامايمىن، جىلىنا ءبىر رەت الامىن! برەند دەپ ايتادى، ءار ادام ءوزىنىڭ تۇلا بويىنا ساي كيىم، ول قاي جاقتىڭ كيىمى بولسا دا، ءمانى سوندا بولادى»، - دەيدى دەپۋتات زاۋرەش امانجولوۆا.
«مەن كوبىنە وسى ءوزىمىزدىڭ تىگىنشىلەرگە تىكتىرەمىن. شامامەن 50-60 مىڭ، ەكى بالاسى بار ادامدارعا قىمبات، التىننان گورى كۇمىستى جاقسى كورەمىن!»، - دەيدى باقىتگۇل حامەنوۆا.
وتاندىق كيىم كيىپ، ءوز وندىرۋشىلەرىمىزدى قولداۋ كەرەكتىگىن ەلباسى نۇرسۇلتان نازاربايەۆ شەنەۋنىكتەردەن تالاي مارتە تالاپ ەتكەن بولاتىن. ءتىپتى، ولارعا ۇلگى- ونەگى بولىپ، ءوزى دە قازاقستاندا جاسالعان كوستيۋم كيەتىنىن كورەتكەن ەدى. بۇعان ۇكىمەت مۇشەلەرى دە ءۇن قاتقانى ەسىمىزدە.
«وتاندىق كوستيۋم كيەمىن. QLP. الماتىدا جاسالعان» ، - دەدى ەرلان ساعاديەۆا.
«وتاندىق كيىم وندىرۋشىلەر دە شەنەۋنىكتەر ءجيى كەلەتىنىن جاسىرمايدى. ولاردىڭ ايتۋىنشا، ارنايى تاپسىرىسپەن تىگىلەتىن كوستيۋمنىڭ ەڭ ارزانى 100 مىڭ تەڭگە!» ، - دەيدى اسقار جۇماعاليەۆ.
«بىزدە نەگىزىنەن اكىمدىكتەن، مينيسترلىكتەن كوستيۋم زاكاز بەرىلىپ الىنادى. جەكە كاسىپكەرلەردە كەلىپ الادى. ءوزىم بارىپ زامەر العانىم قارجى مينيسترلىگى مەن يسەكەشيەۆ مىرزا دا زاكاز بەرىپ الادى» ، - دەدى ساتۋشى.
دەپۋتات حانىمدار ايىنا 50-60 مىڭ جۇمساسا، كەي حالىق قالاۋلىسى ءتىپتى سوڭعى 4-5 -جىلدا كيىمدەرىن مۇلدەم جاڭارتپاعانىن ايتادى.
«مەن كوپ جىل العان كيىمدەرىمدى كيىپ ءجۇمىن! سوڭعى 4-5 جىلدا ونى جاڭارتقان جوقپىن!»، - دەدى دەپۋتات باقتىقوجا ىزمۇحامبەتوۆ.
«باقىتگۇل حانىم ايتتى، ايىنا 60 مىڭ جۇمسايمىن دەدى!جوق، ءبىزدىڭ كيىمىزدە. سايكەس كيىنۋ كەرەك. مەن دۇكەننەن الامىن»، - دەيدى بەيبىت مامرايەۆ.
ال ءبىلىم جانە عىلىم ءمينيسترى اسحات ايماعامبەتوۆ تە تەك وتاندىق كيىمدەرگە عانا تاپسىرىس بەرەتىنىن ايتادى.
«قازاقستاننان، قازىر كويلەكتە قازاقستاندىكى. كەيبىر زاتتار قازاقستاننان، كەيبىرى ءۇشىن دۇكەنگە باراسىڭ»، - دەيدى ايماعامبەتوۆ.
مينيسترلەر مەن دەپۋتاتتار كيىمگە قانشا اقشا جۇمسايتىنىن مەيلىنشە جاسىرىپ باعۋعا تىرىسقانىمەن، كاسىپكەرلەر دەنى دۇرىس كوستيۋمگە 130 مىڭ تەڭگەدەن كوپ قارجى كەتەدى دەيدى. ال باستان- اياق سىقيىپ تۇرىپ كيىنۋى ءۇشىن قانشا قاجەتتىگىن ءوزىڭىز ەسەپتەي بەرىڭىز. نازىك جانداردىڭ قاجەتتىلىگى بۇدان دا زور. ولارعا كويىلەكتەن بولەك، التىن القا مەن سىرعا- ساقينا، بىلەزىككە، تۇفليىنە از كەتپەسى انىق.
