پرەزيدەنتتىڭ كادر رەزەرۆى: جەڭىمپازدارعا باسىمدىق بەرىلە مە؟
«ىرىكتەۋدەگى ۆەربالدى جانە ساندىق تەستىلەردى ادامداردىڭ الەۋەتىن وبەكتيۆتى باعالاۋداعى بەدەلدى حالىقارالىق كومپانيا ازىرلەدى. وندا تەستىڭ بىرنەشە نۇسقالارى ۇسىنىلعان. بۇل سۇراقتار ارنايى ءبىلىم مەن دايىندىقتى تالاپ ەتپەيدى، قاتىسۋشىلاردىڭ جەدەل جانە دۇرىس شەشىم قابىلداۋ قابىلەتىن انىقتاۋعا مۇمكىندىك بەرەدى. مۇنداي تەست تۇرلەرى ۇلى بريتانيا، ا ق ش، ەۋروپادا مەملەكەتتىك قىزمەت جۇيەسىنە جۇمىسقا الۋ كەزىندە قولدانىلادى»، - دەدى.
ونىڭ ايتۋىنشا، ماتىندىك ماتەريالدار مەن قۇجاتتار، دياگراممالار مەن كەستەلەر شەكتەۋلى ۋاقىتتا باسقارۋ شەشىمدەرىن قابىلداۋداعى ۇمىتكەرلەردىڭ اناليتيكالىق جانە سىني ويلاۋ دەڭگەيىن انىقتاۋعا كومەكتەسەدى. بۇل ۇزدىك دەپ تانىلعان 300 دەن استام ۇمىتكەردىڭ باستى ارتىقشىلىعى بولماق.
«ءبىز بۇل قاتىسۋشىلاردى بارىنشا ۇزدىك ەتىپ داريالايمىز. ولار مىندەتتى تۇردە مەملەكەتتىك قىزمەتتە جۇمىس ىستەسىن دەگەن تالاپ جوق. ءتۇرلى دەڭگەيدەگى جۇمىستارعا بارا الادى. بۇل قاتىسۋشىلارعا باسىمدىق بەرۋ ماقساتى دا جوق. بارلىعىن پرەزيدەنت شەشەدى. ىرىكتەۋ قاتىسۋشىلارىنىڭ ءبىر ارتىقشىلىعى - وسىنداي كۇردەلى سىناقتان وتكەنى. پرەزيدەنت تە كۇردەلى تەستىلەۋدەن وتكەن قاتىسۋشىلاردىڭ قانشالىقتى بىلىكتى ەكەنىن بىلەتىن بولادى. ۇزدىك شىققان قاتىسۋشىلاردى بەلگىلى ءبىر قىزمەتكە ماجبۇرلەپ تاعايىنداي المايمىز. 18 ميلليون حالىققا 300 ادام از، بۇل رەزەرۆ 5 جىل ساقتالادى»، - دەدى انار جايىلعانوۆا.
ايتا كەتەيىك، «پرەزيدەنتتىك جاستار كادر رەزەرۆىنە» ىرىكتەۋدىڭ «الەۋەتتى باعالاۋ» كەزەڭىنە 549 قاتىسۋشى ءوتتى. بۇل كەزەڭ ەسسە جازۋ، جوبانى تانىستىرۋ جانە قۇزىرەتتى باعالاۋ سىندى 3 بولىكتەن تۇرادى.
«الەۋەتتى باعالاۋ» كەزەڭىنەن كەيىن ساراپشىلارمەن سۇحبات وتەدى. وعان الدىڭعى كەزەڭدەردە ۇزدىك ناتيجە كورسەتكەن قاتىسۋشىلار جىبەرىلەدى. ودان كەيىن پرەزيدەنت اكىمشىلىگى قۇراتىن كوميسسيا ىرىكتەۋدىڭ الدىڭعى كەزەڭدەرىنەن تابىستى وتكەن ءاربىر ۇمىتكەرمەن جەكە اڭگىمەلەسەدى. سونىڭ قورىتىندىسى بويىنشا ۇلتتىق كوميسسيا ەڭ جوعارى بال جيناعان كانديداتتاردى پرەزيدەنتتىك جاستار رەزەرۆىنە قابىلداۋ تۋرالى شەشىم قابىلدايدى.
ىرىكتەۋدىڭ كەيىنگى كەزەڭدەرىنە جىبەرىلەتىن كانديداتتاردىڭ شەكتى سانى بەلگىلەنگەن. اتاپ ايتقاندا، تەستىلەۋ ۆەريفيكاتسياسىنا 1000 ادام عانا جىبەرىلەدى. كەلەسى كەزەڭ - الەۋەتتى باعالاۋعا - 600 ادام، ساراپتامالىق كوميسسيادا سۇحباتتاسۋعا - 400 ادام، سوڭعى ۇلتتىق كوميسسيا وتىرىسىندا - 330 ادامنىڭ ناتيجەسى قارالادى.
