قىتايدا ءوتىپ جاتقان بۇكىل الەمدىك اسكەري ويىنداردا قازاقستاندىقتار ەكى قولا مەدال جەڭىپ الدى
گرەك-ريم كۇرەسىنەن ارميا سپورتشىلارى جۇلدەگەر اتاندى، دەپ حابارلايدى قازاقپارات قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
60 كەلىگە دەيىنگى سالماق دارەجەسىندەگى جارىستا ق ر قورعانىس مينيسترلىگى ارميا ورتالىق سپورت كلۋبىنىڭ سپورتشىسى ايدوس سۇلتانعالي ءۇشىنشى ورىندى يەلەندى. ول ءۇندىستان پالۋانى، 2019-جىلعى ازيا چەمپيوناتىنىڭ قولا جۇلدەگەرى گيانەندەرا داحيانى 6:3 ەسەبىمەن جەڭدى.
76 كەلىگە دەيىنگى سالماقتا ارميا سپورتشىسى گۇلمارال ەركەبايەۆا ليتۆا چەمپيونى گرەتا ستەپونيتەنى 10:0 ەسەبىمەن جەڭىپ، ەل قورجىنىنا ەكىنشى «قولانى» اكەلدى.
بەس كۇندىك جارىس قورىتىندىسىمەن مەدال سانى جاعىنان ويىن قوجايىنى - قىتاي كوش باستاپ تۇر. قازاقستان قۇراماسىنىڭ قورجىنىندا - ءبىر التىن، ءبىر كۇمىس جانە ءۇش قولا بار.
