فۋتزالدان الەم چەمپيوناتىنا ىرىكتەۋ: قازاقستان العاشقى ماتچتى جەڭىسپەن باستادى

قازاقستاندىق فۋتزالشىلار بەسىنشى توپتا سىنعا ءتۇسىپ جاتىر. ولار بۇگىن البانيا قۇراماسىمەن شەبەرلىك بايقاستى. ەلىمىز فۋتبولشىلارى سەنىمدى ويىن كورسەتىپ، قارسىلاستار قاقپاسىنا جاۋاپسىز ءتورت گول سوقتى.

الدىمەن 6-مينۋتتا قازاقستاندىق البەرت اقبالىقوۆ قارسىلاستار قاقپاشىسىن قاپى قالدىرىپ كەتكەن ەدى. ودان كەيىنگى گولدار كەزدەسۋدىڭ ەكىنشى كەزەڭىندە سوعىلدى. قازاقستاندىقتار قاتارىنان تاينان 26-مينۋتتا ەسەپتى ۇلعايتسا، 31-مينۋتتا دۋگلاس مەرگەندىك تانىتتى. قورىتىندى ەسەپتى 37-مينۋتتا داۋرەن تۇرساعۇلوۆ بەلگىلەدى.

وسىلايشا، قازاقستان قۇراماسى قارسىلاسىن 4:0 ەسەبىمەن جەڭىپ كەتتى.

قازاقستاندىقتار ەندى 24- قازاندا گوللانديامەن، 26- قازاندا رۋمىنيامەن شەبەرلىك بايقاسادى. ەستەرىڭىزگە سالا كەتەلىك، الەم چەمپيوناتىنىڭ فينالدىق كەزەڭى 2020-جىلدىڭ 12- قىركۇيەك – 4- قازانى ارالىعىندا ليتۆادا وتەدى. وندا بارلىعى 24 قۇراما سىنعا تۇسەدى.

قازاقستان قۇراماسى الەم چەمپيوناتىندا 2000، 2016-جىلداردا باق سىنادى. 2016-جىلى شيرەك فينالعا دەيىن جەتكەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى