ۇلتتىق ارنا سيريادان قايتارىلعان قازاقستاندىقتار تۋرالى ەكسكليۋزيۆتى كادرلاردى كورسەتەدى

«جۋسان: ورالۋ مەن وڭالۋ» اتتى ەكى ءبولىمدى تۋىندى «جۋسان» ارنايى گۋمانيتارلىق وپەراتسياسىنىڭ جەلىسىمەن ازىرلەنگەن.

«فيلمدە قازاقستاندىقتاردىڭ قاقتىعىس ايماقتارىنا قالاي اتتانعانى، قانداي قيىندىقتارعا تاپ بولعانى، جەسىر قالعانداردىڭ جات جەردە قالاي ءومىر سۇرگەنى ايتىلادى. دەرەكتى فيلمدە تەرىس ءدىني اعىمداردىڭ ىقپالىمەن شەكارا اسقان قازاقستاندىقتار ءوز وقيعالارىن اشىق باياندايدى جانە بۇعان دەيىن ەش جەردە كورسەتىلمەگەن ەكسكليۋزيۆتى كادرلار كورسەتىلەدى. سونىمەن قاتار، ەلگە ورالعاننان كەيىنگى راديكالدىق باعىتتان باس تارتىپ، بەيبىت ومىرگە قايتا بەيىمدەلۋى تۋرالى اڭگىمەلەيدى»، - دەدى تەلەارنانىڭ باسپا ءسوز قىزمەتىنەن.

كارتينادا ەلىمىزدىڭ ورتالىق جانە باتىس ايماقتارىنان سيرياعا اتتانعان قازاقستاندىقتار تۋرالى سيرەك كادرلار كورسەتىلىپ، قاقتىعىس ايماعىندا قازا تاپقان قازاقستاندىق وتباسىنىڭ وقيعاسى باياندالادى. تۇسىرىلىمگە بەلگىلى ءدىنتانۋشىلار مەن تەولوگ ماماندار، مينيسترلىك وكىلدەرى مەن قۇقىق قورعاۋ سالاسىنىڭ ماماندارى دا قاتىستى.

دەرەكتى فيلم «Qazaqstan» ارناسىنىڭ ەفيرىنەن 3- جانە 10- قاراشا كۇندەرى ساعات 20:45 تە كورسەتىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى