تاەكۆوندوشى رۋسلان جاپاروۆ بۇكىل الەمدىك اسكەري ويىنداردا التىن مەدال جەڭىپ الدى
مينيسترلىك باسپا ءسوز قىزمەتىنىڭ مالىمەتىنشە، شەشۋشى كەزەڭدە رۋسلان 2015-جىلعى الەم چەمپيوناتىنىڭ قولا جۇلدەگەرى رەسەيلىك سپورتشى ۆلاديسلاۆ ءلاريندى ويسىراتا جەڭدى.
«تارتىستى ءارى بىتىسپەس باسەكەدە رۋسلان كەرەمەت دەنە دايارلىعىن، شەبەرلىگى مەن ەرىك كۇش- جىگەرىن پاش ەتتى. جوعارى دەڭگەيدەگى اتالمىش ماراپات وتاندىق ارميالىق سپورتتىڭ سالماقتى الەۋەتىنىڭ كۋاسى، قازاقستان قارۋلى كۇشتەرىنىڭ حالىقارالىق بەدەلىن نىعايتۋدا قوماقتى ۇلەس بولدى»، - دەدى تاەكۆوندودان ق ر ق ك قۇراماسىنىڭ كاپيتانى مايور ءانۋار ۇسەنوۆ.
ەستەرىڭىزگە سالا كەتسەك، VII جازعى CISM بۇكىل الەمدىك اسكەري ويىندارى (حالىقارالىق اسكەري سپورت كەڭەسى) سپورتتىڭ 27 تۇرىنەن ءوتىپ جاتىر. وعان الەمنىڭ 109 ەلىنەن 9308 اسكەري سپورتشى قاتىسۋدا.
سپورتشىلار سپورتتىڭ 27 تۇرىندە 329 جيىنتىق جۇلدەنى ويناتادى.
قازاقستان سپورتتىڭ 11 تۇرىنە قاتىسادى. اتاپ ايتقاندا، تاەكۆوندو، ەركىن كۇرەس، دزيۋدو، وق اتۋ، بوكس، گرەك- ريم كۇرەسى، زاماناۋي بەسسايىس، ءجۇزۋ، سپورتتىق باعدارلاۋ، جەڭىل اتلەتيكا جانە پەنتاتلون. قۇرامامىزدىڭ قۇرامىندا 103 اسكەري سپورتشى بار.
