جاۋىن، قار، كوكتايعاق، جاياۋ بۇرقاسىن - بەيسەنبىگە ارنالعان اۋا رايى بولجامى

«24- قازاندا قازاقستاننىڭ باسىم بولىگى كەڭ اۋقىمدى انتيتسيكلون اسەرىنەن جاۋىن-شاشىنسىز اۋا رايى كۇتىلەدى، تەك باتىستا، سولتۇستىك-باتىستا جانە سولتۇستىكتە اتموسفەرالىق اعىن بولىكتەرىنىڭ وتۋىنە بايلانىستى قۇبىلمالى اۋا رايى كۇتىلەدى، كەي جەرلەرىندە جاۋىن جاۋادى (ارتى كوبىنەسە قارعا اينالادى).

ەلىمىزدىڭ كەي جەرلەرىندە جەل كۇشەيەدى، تۇمان تۇسەدى، سولتۇستىك-باتىستا، سولتۇستىكتە، سولتۇستىكتە-شىعىستا كوكتايعاق كۇتىلەدى، سولتۇستىكتە جانە شىعىستا جاياۋ بۇرقاسىن سوعۋى ىقتيمال»، دەلىنگەن حابارلامادا.

سولتۇستىك قازاقستان وبلىسىنىڭ كەي جەرلەرىندە تۇمان، كوكتايعاق، جاياۋ بۇرقاسىن كۇتىلەدى، جەل 15-20، كۇندىز كەي جەرلەردە ەكپىنى 23-28 م/س كۇشەيەدى. اقمولا وبلىسىنىڭ كەي جەرلەرىندە تۇمان، كوكتايعاق كۇتىلەدى، جەل 15-20 م/س كۇشەيەدى.

پاۆلودار وبلىسىنىڭ كەي جەرلەرىندە تۇندە تۇمان، كوكتايعاق كۇتىلەدى، تۇندە جەل كەي جەرلەردە 15-20 م/س كۇشەيەدى، كۇندىز باسىم بولىگىندە 15-20 م/س كۇشەيەدى.

الماتى وبلىسىنىڭ كەي جەرلەرىندە تۇندە جانە تاڭەرتەڭ تۇمان كۇتىلەدى، جالاناشكول اۋدانىندا جەل 17-22 م/س كۇشەيەدى.

قاراعاندى وبلىسىنىڭ كەي جەرلەرىندە تۇمان كۇتىلەدى، كۇندىز جەل 15-20 م/س كۇشەيەدى.

شىعىس قازاقستان وبلىسىنىڭ كەي جەرلەرىندە جاياۋ بۇرقاسىن سوعۋى ىقتيمال، جەل 15-20 م/س كۇشەيەدى.

قوستاناي وبلىسىندا جەل 18 م/س كۇشەيەدى. جامبىل، اتىراۋ، باتىس قازاقستان وبلىستارىنىڭ كەي جەرلەرىندە تۇمان ءتۇسۋى مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى