ءزايتۇن مايىنىڭ شاشقا پايداسى
بۇگىن ءزايتۇن مايى شاش دەنساۋلىعى مەن سۇلۋلىعىن ساقتاۋعا قالاي كومەكتەسەتىنىن قاراستىرامىز. ءتۇرلى مايلار كونديتسيونەرلىك قۇرالدىڭ ءرولىن اتقارادى. ولار ۇيىسقان شاشتىڭ تارالۋىن جەڭىلدەتەدى، ۇلپىلدەك شاشتى باسادى جانە شاشتىڭ زاقىمدالۋىن ازايتادى. كەي مايلار بويالعان شاش ءتۇسىن ساقتاۋعا كومەكتەسەدى. ءزايتۇن مايى - قۇرامىنداعى قانىقپاعان مايلى قىشقىلداردىڭ مولشەرى بويىنشا كوشباسشى. ونىڭ قۇرامىندا كاليي، كالتسي، تەمىر، ناتري، فوسفور مينەرالدارى مەن ا، ۆ4, ە، ك دارۋمەندەرى بار. ول شاشتى قاتايتادى، ىلعالداندىرادى جانە قالپىنا كەلتىرەدى. مايسانا مايى سياقتى ءزايتۇن مايى دا شاشتى زاقىمداردان قورعاۋدا ماڭىزدى ءرول اتقارادى. ءزايتۇن مايى بارلىق ءتيپتى شاشتارعا كەلەدى، ءبىراق كەي ادامدارعا (مىسالى، شاشى جۇقا جانە مايلانۋعا بەيىم ادامدارعا) ونىڭ اسەرى ۇناماي قالۋى مۇمكىن. ال ءزايتۇن مايى شاشى قۇرعاق، قاتتى، زاقىمدالعان، سىنعىش جانە بۇيرا ايەلدەردىڭ، كەرىسىنشە، كوڭىلدەرىنەن شىعادى. ءزايتۇن مايىن شاشقا قولدانۋ ءزايتۇن مايىن شاشقا قولدانۋدىڭ ەڭ قاراپايىم ءادىسى - ونى تازا كۇيىندە جاعۋ. ول ءۇشىن مايدى قۇرعاق شاشتىڭ بارلىق ۇزىندىعىنا جانە باس تەرىسىنە ماسساج جاساي وتىرىپ جاعىڭىز. سودان سوڭ باسىڭىزعا دۋشقا ارنالعان شاپكا كيىپ، 15 مينۋتتاي ءجۇرىڭىز. شاشىڭىزدى سۋسابىنمەن جۋىپ تاستاڭىز.
شاش كۇتىمىنە ءزايتۇن مايىن قولدانۋدىڭ ارتىقشىلىقتارى:
- ساپالى ءزايتۇن مايى شاش تۇپتەرىن قاتايتۋعا كومەكتەسەدى جانە شاش ءتۇسۋىن ازايتادى؛
- ءزايتۇن مايى ىلعالداندىرۋشى اسەرگە يە، سوندىقتان شاش كۇتىمدى كورىنەدى؛
- ونىڭ قۇرامىنداعى انتيوكسيدانتتاردىڭ جوعارى دەڭگەيى شاشتى ەرتە اعارۋدان قورعايدى؛
- ءزايتۇن مايى مەن باسقا مايلاردى ارالاستىرىپ جاساعان ماسكالار شاشتى جۇمسارتۋعا كومەكتەسەدى؛
- ءزايتۇن مايى تىنىشتاندىراتىن قاسيەتكە يە. سوندىقتان باس تەرىسى قاتتى قۇرعاق بولعاندا جانە قايىزعاق كەزىندە ءزايتۇن مايىمەن ماسساج جاساۋ ارقىلى ونىڭ قىشىعانىن باسۋعا بولادى.
شاش كۇتىمىنە ءزايتۇن مايىن قولدانۋدىڭ كەمشىلىكتەرى ەگەر ادامدا ءزايتۇن مايىنا اللەرگيا بولماسا، ونى شاش كۇتىمىنە كوسمەتيكالىق قۇرال رەتىندە قولدانۋ ەش ءقاۋىپ توندىرمەيدى. ونىڭ جالعىز كەمشىلىگى - شاشى وتە جۇقا جانە مايلانعىش قىزدارعا جاقپاۋى. مۇنداي قىزدار ونى قولدانعان كەزدە شاشتارى جۇمساق ءارى جىبەكتەي بولۋدىڭ ورنىنا اۋىر جانە مايلى بولۋى مۇمكىن.
Massaget.kz
