اسقار مامين قوستانايدا تراكتور زاۋىتىنىڭ اشىلۋىنا قاتىستى

ايتا كەتسەك، بيىلعى ءساۋىر ايىندا اسقار مامين ەلوردادا «پەتەربۋرگ تراكتور زاۋىتى» ا ق ديرەكتورى سەرگەي سەرەبرياكوۆپەن كەزدەسۋ وتكىزدى. ونىڭ بارىسىندا ق ر مەن ر ف اراسىنداعى ىنتىماقتاستىق ماسەلەلەرى، سونداي- اق قازاقستاندا «كيروۆەتس» تراكتورلارى ءوندىرىسىن دامىتۋ پەرسپەكتيۆالارى تالقىلاندى. بۇگىن قوستانايدا اشىلىپ وتىرعان كاسىپورىننىڭ سالتاناتتى ىسكە قوسىلۋىنا ۇكىمەت باسشىسى ارنايى قاتىستى.

«جاڭا زاۋىت جىلىنا 500-دەن 700-گە دەيىن الىپ تراكتورلاردى قۇراستىرۋعا قاۋقارلى. ناتيجەسىندە ەلدەگى اۋىل شارۋاشىلىعى تەحنيكالارىنىڭ ءوندىرىسى جاڭا قارقىن الادى. سونىمەن قاتار وبلىستا 500 تۇراقتى جۇمىس ورنى اشىلادى. ەكى ەل اراسىنداعى بىرلەسكەن جوبالار جالعاسا بەرەدى»، - دەدى ا. مامين.

قوستاناي تراكتور زاۋىتى يندۋستريالىق ايماقتا ورنالاسقان. «كيروۆەتس» تراكتورلارىنىڭ قۇنى 45 ميلليون تەڭگەدەن باستالادى. قازىردىڭ وزىندە التى الىپ تەحنيكا ساتىلىمعا شىقتى.

ۇكىمەت دەلەگاتسياسىنىڭ ساپارى قوستاناي ءۇي قۇرىلىسى كومبيناتىندا جالعاسادى.

اۆتور قاسقىرباي قويشىمانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى