عالىمدار ارتىق سالماقتان ارىلۋدىڭ ەڭ وڭاي جولىن ايتتى
«دەنە جاتتىعۋىن تاڭعى اس الدىندا ىستەگەن ابزال. بۇل ءىستى ادەتكە اينالدىرساڭىز، ديابەت جانە جۇرەك- تامىرلار سىندى اۋرۋلاردىڭ الدىن الاسىز»، - دەيدى ماماندار.
زەرتتەۋشىلەر 6 اپتا بويى سەمىزدىككە شالدىققان 30 ادامنىڭ قاتىسۋىمەن تاجىريبە جۇرگىزىپتى. عالىمدار قاتىسۋشىلاردى ءۇش توپقا ءبولىپ، ءبىرىنشى توپتاعىلاردى جاتتىعۋدى تاڭعى استىڭ الدىندا، ەكىنشى توپتاعىلاردى استان كەيىن، ءۇشىنشى بىرەۋىن مۇلدەم جاتتىعۋ جاساماۋعا كوندىرەدى.
گيمناستيكامەن اينالىسقان ادامداردىڭ بارلىعى بىردەي جىلدامدىقپەن سالماق تاستاي باستاعان. دەگەنمەن، ولاردىڭ اعزالارىنداعى وزگەشىلىك بىردەن بايقالىپتى. ءبىرىنشى توپتاعى ەرىكتىلەر قانىنىڭ قۇرامىندا ينسۋلين مولشەرى ازايعان. ءوز كەزەگىندە بۇل وزگەرىس ديابەت جانە قان- تامىرلار اۋرۋلارىن بولدىرماۋعا سەپتىگىن تيگىزەدى ەكەن.
زەرتتەۋدىڭ ناتيجەسىنە سايكەس، عالىمدار ەرەكشە كۇتىمگە بەرىلمەي، قاراپايىم جاتتىعۋلاردىڭ كومەگىمەن ارتىق سالماقتان ارىلۋعا بولاتىنىن ەسكەرتتى. ول ءۇشىن تەك كۇن تارتىبىنە قاراي ادەتىڭىزدى وزگەرتسەڭىز بولعانى.
