ماسكەۋدە ت م د ۇكىمەت باسشىلارى قانداي ماسەلەنى تالقىلايدى؟
«وتىرىس بارىسىندا ۇكىمەت باسشىلارى دوستاستىق اياسىنداعى ساۋدا-ەكونوميكالىق ىنتىماقتاستىقتىڭ اعىمداعى جاعدايى مەن پرەسپەكتيۆالارىن تالقىلايدى. اتاپ ايتقاندا، 2011-جىلى ت م د- عا قاتىسۋشى مەملەكەتتەر قول قويعان ەركىن ساۋدا ايماعى تۋرالى شارتتى ىسكە اسىرۋ، سونداي-اق ت م د ەلدەرى اراسىنداعى قىزمەتتەردىڭ ەركىن ساۋداسى تۋرالى كەلىسىم جوباسىن كەلىسۋ بارىسى تۋرالى پىكىر الماسۋى وتەدى»، - دەدى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ۆەدومستۆودا وتكەن بريفينگتە.
ونىڭ سوزىنە قاراعادا، وتىرىس اياسىندا زاتتار مەن ماتەريالداردىڭ قۇرامى مەن قاسيەتتەرىنىڭ ستاندارتتى ۇلگىلەرىن جاساۋ جانە قولدانۋ بويىنشا ىنتىماقتاستىقتى، سونداي-اق قۇقىق قورعاۋ سالاسىنداعى ءوزارا ءىس-قيمىلدى تەرەڭدەتۋدى كوزدەيتىن ءبىرقاتار حالىقارالىق شارتتارعا قول قويۋ جوسپارلانعان.
«ءىس-شاراعا قاتىسۋشىلار ت م د ەلدەرىنىڭ قوعامدى سيفرلىق دامىتۋ سالاسىنداعى ىنتىماقتاستىق تۇجىرىمداماسىن جانە ونى ىسكە اسىرۋ جونىندەگى ءبىرىنشى كەزەكتەگى شارالار جوسپارىن بەكىتەدى. سونىمەن قاتار، اقپاراتتىق قاۋىپسىزدىكتى قامتاماسىز ەتۋ ستراتەگياسىنا جانە 2025-جىلعا دەيىنگى كەزەڭگە قۇس تۇماۋى مەن نيۋكاسل اۋرۋىمەن كۇرەسۋ ءارى الدىن الۋ بويىنشا ت م د مەملەكەتتەرىنىڭ بىرلەسكەن ءىس-قيمىل كەشەنىنە قول قويۋ جوسپارلانۋدا»، - دەدى رەسمي وكىل.
بۇدان بولەك، 25- قازاندا ق ر ۇكىمەت باسشىسى اسقار مامين ەۋرازيالىق ۇكىمەتارالىق كەڭەس وتىرىسىنىڭ جۇمىسىنا قاتىسادى. وسى جىلى بۇل ەۋرازيالىق ەكونوميكالىق وداققا مۇشە مەملەكەتتەر ۇكىمەت باسشىلارىنىڭ ءتورتىنشى كەزدەسۋى بولادى.
