نەگە كوبەلەكتەر جارىققا قاراي ۇشادى؟

 قاراڭعى تۇسكەن شاقتا تىرشىلىگى ەندى باستالاتىن جاندىك تۇرلەرى دە بار. دەگەنمەن، ءوزىن ولتىرەتىنىن بىلە تۇرا جارىققا قاراي ۇشاتىن كوبەلەكتەردىڭ ارەكەتى باسقالارعا قاراعاندا الدەقايدا جۇمباق كورىنەدى. بۇنداي كوبەلەكتەردى «تابيعاتتاعى سۋيتسيد جاساۋشىلار» دەپ تە اتايدى.

 نەگە جاندىكتەر جارىقتى جاقسى كورەدى؟

عالىمدار تۇندە ءومىر سۇرسە دە، جارىققا ەرىكسىز ۇمتىلاتىن جاندىكتەر جايلى ءالى كۇنگە دەيىن زەرتتەۋ جۇرگىزىپ كەلەدى. جارىق، سونىڭ ىشىندە شام وتى ولتىرەتىنىن بىلسە دە، تىم جاقىن ۇشۋىنىڭ سەبەبى نەدە؟ 1917 -جىلى زەرتتەۋشى ۆ. فون بۋددەنبروك بۇنداي جاندىكتەردىڭ وزىنە ءتان ۇشۋ ايماعى بارىن انىقتاعان. زەرتتەۋشى ءوز جۇمىسىندا كوبەلەكتەردىڭ ۇشۋ ارەكەتىن لوگاريفمدى سپيرالمەن تۇسىندىرگەن. ورتادا جارىق پەن جىلۋ كوزى ورنالاسادى. ناقتىراق ايتساق، جارىققا قاراي ۇشقان جاندىكتەر شام جانىندا كەزدەيسوق رەتتىلىكپەن ەمەس، بەلگىلى ءبىر زاڭدىلىققا سۇيەنىپ ۇشادى.

 XX عاسىردىڭ بەلدى زەرتتەۋشىلەرنىڭ ءبىرى ۆلاديمير بوريسوۆيچ چەرنىشيەۆ جارىقتىڭ كەسىرەنەن ءوز اعزالارىن باسقارۋدان قالعان كوبەلەكتەردە تونگەن قاۋىپتەن تەز ارادا الشاقتاۋ ءۇشىن، توقتاۋسىز ۇشا باستايدى دەيدى. قالىپتى جاعدايدا، ولار ءۇشىن قاۋىپسىز ايماق ولار ءۇشىن جارىق كوزى سانالاتىندىقتان، ولار ەرىكسىز جارىق پەن جىلۋعا قاراي ۇشادى. ويتكەنى، تۇنگى جاندىكتەر ءۇشىن ءقاۋىپسىز ۋاقىت -  كۇن شىققان ءسات. ال، شامعا ولار كۇن شىقتى، ەش قيىندىقسىز تىنىعۋعا بولادى دەگەن تۇيسىكپەن عانا قوناتىنى بەلگىلى بولعان.

Massaget.kz 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى