اتىراۋداعى پەرزەنتحانا قىزمەتكەرلەرى پرەزيدەنتتەن كومەك سۇرادى
ايتا كەتۋ كەرەك، پەريناتالدىق ورتالىق - قۇرساقتاعى نارەستەنىڭ جانە جاڭا تۋعان ءسابيدىڭ پەريناتالدىق كەزەڭىندەگى دامۋى مەن دەنساۋلىعىن قورعاۋ ماسەلەلەرىن زەرتتەيتىن ورتالىق، ەمحانا.
«سىبايلاس جەمقورلىققا قارسى ءىس-قيمىل اگەنتتىگى ءىس سوتقا جەتپەي جاتىپ ب ا ق-تا اقپارات تاراتتى. سول ارقىلى ولار پەريناتالدى ورتالىقتىڭ دارىگەرلەرىن قىلمىسكەرگە تەڭەدى. دارىگەرلەر مەن حالىق اراسىنداعى جاعداي شيەلەنىسە ءتۇستى. ءبىز ارىپتەستەرىمىزدى اقتامايمىز، ولاردىڭ كىناسىن ءتيىستى ورگاندار انىقتايدى. ءبىزدى الاڭداتقان جاعداي - تەكسەرۋ اياقتالماي جاتىپ ادامداردىڭ دارىگەرلەردى تالقىعا سالىپ، ءبارىمىزدى قىلمىسكەرگە ساناعانى. مۇنداي جاعدايدا ءوز مىندەتىمىزدى تولىققاندى اتقارا المايمىز، سوندىقتان جۇمىستان كەتۋگە ءماجبۇرمىز»، - دەلىنگەن حاتتا.
ەسكە سالايىق، وتكەن اپتادا سىبايلاس جەمقورلىققا قارسى قىزمەت جاڭا تۋعان ءسابيدىڭ ولىمىنە، سونداي-اق، جەمقورلىق قىلمىستار بويىنشا كۇدىكتى اتىراۋ وبلىستىق پەرزەنتحاناسىنىڭ باس دارىگەرىنە قاتىستى ءىستىڭ ءمان-جايىن باياندادى.
سەنبى كۇنى اتىراۋ وبلىسىنا ق ر دەنساۋلىق ساقتاۋ ۆيتسە-ءمينيسترى باستاعان رەسپۋبليكالىق دەنساۋلىق ساقتاۋ ۇيىمدارىنىڭ ماماندارى كەلدى. ولار وبلىستىق پەريناتالدىق ورتالىقتىڭ دارىگەرلەرىنە كومەك كورسەتەدى.
ال دۇيسەنبىدە پەريناتالدىق ورتالىقتىڭ 31 قىزمەتكەرى جۇمىستان كەتۋ تۋرالى ءوتىنىش جازعانى بەلگىلى بولدى.
