تۇركىستان وبلىسىندا مۇلدە ىشىمدىك ساتىلمايتىن اۋىل بار
بۇل اۋىلدا 159 تارتا تۇرعىن ۇيدە 1187 ادام تۇرادى، - دەپ حابارلايدى «وتىرار».
المالى اۋىلىنىڭ ءبىر ەرەكشەلىگى مۇنداعى دۇكەندەردە مۇلدەم ىشىمدىك ساتىلمايدى. بۇل اۋىل قاريالارىنىڭ بەلسەندى جۇمىس جۇرگىزۋىنىڭ ارقاسى. ىشىمدىك ساتىلۋىن توقتاتقالى اۋىلدىڭ بەرەكەسى ارتىپ، تىنىشتىعى بەكەم بولىپ كەلەدى.
«باسىندا مۇنداي جۇمىستى جۇرگىزۋ قيىندىق تۋدىرعانى راس. ىشىمدىك ساتپاۋىن ايتىپ كاسىپكەرلەرگە ءتۇسىندىرۋ جۇمىستارىن جۇرگىزدىك. ۋاقىت وتە كەلە ىشىمدىك ساتاتىن دۇكەننەن ساۋدا جاساۋدى توقتاتتىق. ءبىزدىڭ ماقساتىمىز بىرەۋدىڭ كاسىبىن اياقتان شالۋ ەمەس، كەرىسىنشە اۋىل جاستارىنا ءوزىمىز ۇلگى بولىپ، وسكەلەڭ جاستاردى جامان ادەتتەن بويىن اۋلاق ۇستاۋىنا ءوز ۇلەسىمىزدى قوسۋ بولاتىن. ىشىمدىك ءىشۋدى توقتاتۋدى جالعىز ءوزىم ەمەس اۋىل بولىپ كۇرەستىك. ناتيجەسىندە 8 ايدا تولىقتاي دۇكەن سورەلەرىنەن سپيرتتى ىشىمدىكتەر الىنىپ تاستالدى دەيدى»، - اۋىل ءبيى «حازىرەت ءبىلال» مەشىتىنىڭ باس يمامى جاستايەۆ ەلەۋسىن اقساقال.
ەلدەگى ىنتىماقتاستىقتىڭ تاعى ءبىر ۇلگىسىن وسىنداعى №65 «دوستىق» ج و م ديرەكتورى تىلەۋبەكوۆ راحمەت ايتىپ بەردى. مەكتەپ ديرەكتورىنىڭ ايتۋى بويىنشا، سوڭعى ۋاقىتتا ەل ىشىندە ۇرىس- جانجالدار مەن داۋ- دامايلار، ءتىپتى اجىراسۋ سياقتى وتباسىلىق ارازدىقتاردىڭ كوبىسىن قۇزىرلى ورگاندارعا شاعىمدانباي اۋىل قاريالارىنا بارىپ سولاردىڭ قاتىسۋىمەن جاعدايدى تالقىلاپ شەشەمىز. قازىرگى تاڭدا ەل ىشىندە ۇلكەنگە باعىنىپ اقىلداسىپ جۇمىس ىستەۋ دۇرىس جولعا قويىلعان دەيدى. بۇدان بولەك اۋىل قاريالارى وسى اۋىلعا ەنشىلەس ورنالاسقان «جىبەك جولى» ەلدى مەكەنىنىڭ قاريالارىمەن بىرگەلەسىپ ىشىمدىك ساتۋدىڭ الدىن الۋ بويىنشا جۇمىس جۇرگىزىپ جاتىر ەكەن.
جالپى ماقتالى اۋىلدىق وكرۋگى جايىندا قىسقاشا مالىمەت بەرەتىن بولساق، مۇندا 5 مەكتەپ، 5 بالاباقشا ورنالاسقان. اۋىل حالقىنىڭ سانى 9033. جالپى ەگىستىك كولەمى 8385,9 گەكتاردى قۇرايدى. ونىڭ 5166 گەكتارىنا ماقتا، 1400 گەكتارىنا باۋباقشا، 720 گەكتارنا جۇگەرى، 120 گەكتارىنا كۇرىش ءداندى داقىلدارى ەگىلسە، 295 گەكتارىنا كوكونىس ونىمدەرى ەگىلگەن.
ال، المالى اۋىلى بويىنشا قىسقاشا مالىمەت بەرەتىن بولساق مۇندا جالپى ەگىستىك جەر كولەمى 1490 گەكتاردى قۇرايدى. ونىڭ ىشىندە 410 گەكتارى باۋباقشا ونىمدەرى بولسا، 970 گەكتارىنا شارۋالار ماقتا ەككەن.
www.24.kz
