بەردىبەك ساپاربايەۆ: ءبىزدىڭ مىندەتىمىز - بالالاردى قوسىمشا بىلىممەن قامتۋ
كەزدەسۋ قاراعاندى جوعارى پوليتەحنيكالىق كوللەدجىندە ءوتتى. وعان پەداگوگيكالىق ەڭبەك ارداگەرلەرى، جاس مۇعالىمدەر، جوو رەكتورلارى جانە ءبىلىم بەرۋ ۇيىمدارىنىڭ باسشىلارى قاتىستى.
ق ر پرەمەر- ءمينيستردىڭ ورىنباسارى پەداگوگتاردى كەلە جاتقان كاسىبي مەرەكەلەرىمەن قۇتتىقتادى. ول وقىتۋشىلاردىڭ بىلىكتىلىگى مەن كۇندەلىكتى ەڭبەگى ءۇشىن العىسىن ءبىلدىردى. جانە دە ارداگەر ۇستازدارعا ەرەكشە قۇرمەتىن ءبىلدىردى. بەردىبەك ساپاربايەۆ 8 قاراعاندىلىق مۇعالىمدەرگە پرەمەر- ءمينيستردىڭ اتىنان العىس حات تاپسىردى.
ۆيتسە- پرەمەر پەداگوگتاردى قولداۋ ءۇشىن مەملەكەت قانداي شارالار قولداناتىنى تۋرالى ايتتى.
«بۇگىندە ەلىمىزدىڭ مەكتەپتەرىندە ماتەريالدىق- تەحنيكالىق بازا جاقساردى. تاۋەلسىزدىك جىلدارىندا 1000 نان استام مەكتەپ سالدىق. بۇل جۇمىستار ءالى دە جالعاسادى. ەلىمىزدە ءبىلىم ساپاسى جاقسارۋدا. ءبىزدىڭ جاستارىمىز حالىقارالىق وليمپيادالاردىڭ جەڭىمپازدارى مەن جۇلدەگەرلەرى بولىپ تابىلادى. قازىر ءبىزدىڭ مىندەتىمىز - بالالاردى قوسىمشا بىلىممەن قامتۋ جانە ولاردىڭ رۋحاني دامۋىن ۇمىتپاۋ. بۇل رەتتە ءمۇعالىمنىڭ ءرولى وتە ماڭىزدى. ءبىز، وكىنىشكە وراي، ادامگەرشىلىك تاربيەدە جاعىنان قالىپ بارامىز، مەكتەپ پەن اتا- انالار اراسىنداعى بايلانىس السىرەپ كەتتى. ەلىمىزدە رۋحاني مۇرا بويىنشا ساباقتار وتكىزۋ جوسپاردا بار» ، - دەدى بەردىبەك ساپاربايەۆ.
ءبىلىم ءمينيسترى اسحات ايماعامبەتوۆ «پەداگوگتاردىڭ مارتەبەسى تۋرالى» جاڭا زاڭ جوباسى تۋرالى ايتتى.
«پرەزيدەنت قاسىم- جومارت توقايەۆ تامىز كونفەرەنتسياسىندا پەداگوگ مارتەبەسىنىڭ ماڭىزدىلىعىن اتاپ ءوتتى. بۇل زاڭ جوباسى كوپتەگەن وزەكتى ماسەلەلەردى شەشۋگە كومەكتەسەدى» ، - دەدى اسحات ايماعامبەتوۆ.
ول مەكتەپ جانە مەكتەپكە دەيىنگى ءبىلىم بەرۋدە كۇتىلەتىن جاڭالىقتار، سونداي- اق كوللەدجدەردىڭ دامۋى تۋرالى ايتتى.
«ءبىرىنشى مىندەت - ءۇش ءتىلدى ءبىلىم بەرۋ. مەكتەپتەردىڭ دايىندىعىنا قاراي 4 ءپان اعىلشىن تىلىندە وقىتىلادى. اعىلشىن ءتىلىن وقۋشىلار 2 نەمەسە 3 سىنىپتان باستاپ نەمەسە اتا- اناسىنىڭ قالاۋى بويىنشا 5 سىنىپتان باستاپ وقيتىن بولادى. 12 -جىلدىق بىلىمگە كوشۋدىڭ ءۇش نۇسقاسى قاراستىرىلادى. سونداي- اق، پرەزيدەنت بالالاردى مەكتەپكە جەتكىزۋ ماسەلەسىن شەشۋدى تاپسىردى. قازىر ءبىز وسى سۇراقتىڭ شەشۋ جولدارىن ىزدەۋدەمىز. كوللەدجدەرگە كەلەتىن بولساق، وندا وقۋ باعدارلامالارىن وزگەرتۋ جانە WorldSkills ەلەمەنتتەرىن ەنگىزۋ قاجەت. بۇل كوللەدجدەردىڭ دامۋىنا قۋاتتى سەرپىن بەرەدى» ، - دەپ اتاپ ءوتتى ءبىلىم ءمينيسترى.
كەزدەسۋ ديالوگ فورماتىندا ءوتتى. وقىتۋشىلار مينيسترگە سۇراقتارىن قويدى. ولاردى نەگىزىنەن پەداگوگتاردى اتتەستاتتاۋ، ءبىلىم بەرۋ سالاسىن قارجىلاندىرۋ، جەكە مەنشىك مەكتەپتەردى سالۋ جانە پايدالانۋ ماسەلەلەرى مەن بىلىكتىلىكتى ارتتىرۋ كۋرستارىن تولەۋ قىزىقتىردى.
پرەمەر- ءمينيستردىڭ ورىنباسارى سونداي- اق، اۋىل شارۋاشىلىعى كەشەندەرى بويىنشا «اgroskills» ءبىرىنشى وبلىستىق چەمپيوناتىن وتكىزۋ الاڭىنا باردى. بۇل سايىستا 9-10 سىنىپ وقۋشىلارى «Zhasagroskills» كاسىبي شەبەرلىك بايقاۋىندا وزدەرىنىڭ داعدىلارى مەن شەبەرلىكتەرىن كورسەتتى. چەمپيونات ءۇش باعىتتى قامتىدى - ساندىق ەگىنشىلىك، روبوتوتەحنيكا جانە فەرمەرلىك شارۋاشىلىقتاردى جوبالاۋ.
