شوتلانديادا اتا- انالارعا بالاسىن ۇرۋعا تىيىم سالىنباق
باسىلىمنىڭ جازۋىنشا، كۇش كورسەتۋگە تولىق تىيىم سالۋدى پارلامەنت تولىق قولدايدى.
«1979 -جىلى اتا- انالارعا ۇيدە ءوز بالاسىن ۇرۋعا تىيىم سالعان العاشقى مەملەكەت - شۆەتسيا. ال شوتلانديادا زاڭ قابىلدانسا، ول 58-مەملەكەتكە اينالادى» ، دەپ جازادى اۆتور.
ونىڭ ايتۋىنشا، قازىرگى تاڭدا شوتلانديادا ەرەسەكتەرگە قول كوتەرۋ قىلمىس سانالادى، ءبىراق بالالاردا ونداي قورعانىس جوق.
«ءىس جۇزىندە بۇگىنگى تاڭدا اتا- انالار بالالارىنا قول كوتەرە الادى، ءبىراق باسىنان ۇرۋعا، بەلگىلى ءبىر زاتپەن ۇرۋعا بولمايدى. زاڭ قابىلدانسا، بالالار دا قورعاناتىن بولادى. ال مەكتەپتە جانە وقۋ ورىندارىندا بالالارعا كۇش كورسەتۋ مۇلدەم تىيىم سالىنعان» ، دەپ جازادى باسىلىم.
اۆتوردىڭ ايتۋىنشا، زاڭدى وزگەرتۋدى لەيبوريستەر پارتياسى ۇسىنعان. ال قوعامدىق پىكىردى زەرتەتۋشىلەر شوتلانديادا كوپشىلىگى بۇل زاڭعا قارسى ەكەنىن ايتتى.
