ۋكراينادا ۇشاق اپاتتى جاعدايدا قونىپ، بەس ادام كوز جۇمدى
سالدارىنان 5 ادام كوز جۇمدى. بۇل جونىندە Facebook جەلىسىندە ينفراقۇرىلىم ءمينيسترى ۆلاديسلاۆ كريكلي ءمالىم ەتتى، دەپ حابارلايدى قازاقپارات ۋكرينفورمعا سىلتەمە جاساپ.
«الدىن الا مالىمەتتەرگە سايكەس، ۋكراينا- اەرواليانس اۋە كومپانياسىنىڭ ا ن-12 #UR- CAH ۇشاعى ۆيكو (يسپانيا) - لۆوۆ باعىتى بويىنشا #UKL4050 چارتەرلىك جۇك رەيسىن ورىنداۋ كەزىندە اەرودروم جانىنداعى سوكولنيكي اۋىلىنا اپاتتى جاعدايدا قونعان. بورتتا 7 ەكيپاج مۇشەسى مەن جۇككە ىلەسىپ جۇرگەن 1 ادام بولدى. سالدارىنان 3 ادام كوز جۇمىپ، 3 ادام اۋىر جاراقاتتاندى، تاعى ەكەۋى ىزدەستىرىلۋ ۇستىندە. قۇتقارۋ وپەراتسياسى جالعاسىپ جاتىر» ، - دەپ جازدى كريكلي.
ارتىنان مينيستر 5 ادامنىڭ كوز جۇمعانىن ءمالىم ەتتى.
سونداي- اق، ول ۇشاقتىڭ اپاتتى جاعدايدا قونۋىنا جانارمايدىڭ تاۋسىلۋى سەبەپ بولعانىن اتادى. تەرگەۋ جالعاسۋدا.
مينيستر قازا تاپقانداردىڭ تۋعان- تۋىستارىنا قايعىرا كوڭىل ايتتى.
ۋكراينانىڭ توتەنشە جاعدايلار جونىندەگى مەملەكەتتىك قىزمەتىنەن ءمالىم ەتكەندەي، 4 - قازان كۇنى تاڭەرتەڭ راداردان جوعالىپ كەتىپ، ۇشىپ- قونۋ جولاعىنان 1,5 شاقىرىم جەردەن تابىلعان ا ن-12 ۇشاعى «لۆوۆ» اۋەجايىنىڭ ماڭىنا اپاتتى جاعدايدا قونۋعا ءماجبۇر بولعان.
«4 - قازان كۇنى ساعات 07:10-دا «لۆوۆ» حالىقارالىق اۋەجايىنان 13,7 شاقىرىم قاشىقتىقتا ان-12 ۇشاعى راداردان جوعالىپ كەتكەنى تۋرالى حابار كەلىپ ءتۇستى. ساعات 07:29 دا ەكيپاجدىڭ ءبىر مۇشەسى بايلانىسقا شىعىپ، ا ن-12 ۇشاعى اپاتتى جاعدايدا قونعانى تۋرالى ءمالىم ەتتى. 07:46 دا ا ن-12 ۇشاعى ۇشىپ- قونۋ جولاعىنان 1,5 شاقىرىم جەردە تابىلدى» ، - دەلىنگەن حابارلامادا.
ۇشاق ورتەنبەگەن. ەكيپاجدى زاقىمدالعان ۇشاقتان شىعارۋ جۇمىستارىنا توتەنشە جاعدايلار جونىندەگى مەملەكەتتىك قىزمەتتەن 41 ادام مەن 7 تەحنيكا جۇمىلدىرىلدى.
