ءۇندىستاندا ماحاتما گانديدىڭ كۇلى ۇرلاندى
بۇل تۋرالى تەنگري نيۋس lenta.ru باسىلىمىنا سىلتەمە جاساپ حابارلادى.
ساياساتكەردىڭ 150جىلدىق مەرەيتويى تويلانعان كۇنى «باپۋ بحاۆان» مۋزەيىنەن ونىڭ كۇلى جوعالعانى ءمالىم بولعان. سونداي- اق، بەيمالىم ادامدار ەلدە «ۇلت اكەسى» سانالاتىن گانديدىڭ سۋرەتىندە «ساتقىن» ءسوزىن بوياۋمەن جازىپ كەتكەن. اقپاراتتى جەرگىلىكتى دەپۋتات گۋرميت سينگح حابارلادى.
«بۇل گانديدى ولتىرگەن ناتحۋرام گودزەنى ۇناتاتىنداردىڭ ءىسى سياقتى. مۇنداي وشپەندىلىكتى دەرەۋ توقتاتۋ كەرەك جانە پوليتسيا قىلمىسكەرلەردى انىقتاۋ جانە ۇستاۋ ءۇشىن تەز ارەكەت ەتۋى كەرەك»، - دەدى ول.
پوليتسيا قىزمەتكەرلەرى شاعىم تۇسكەننەن كەيىن تەرگەۋدى باستاعان، قازىر ولار باقىلاۋ كامەرالارىنا تۇسكەن ۆيدەولاردى زەرتتەپ جاتىر. ماحاتما گاندي زورلىق- زومبىلىقتىڭ كەز كەلگەن تۇرىنە قارسى بولعان. گاندي اشتىق جاريالاۋ ارقىلى ەڭ تومەنگى كاستا وكىلدەرىنىڭ قۇقىعىن قورعاعان. ول ۇلتشىل ناتحۋرام گودزەنىڭ قولىنان ءوز ءۇيىنىڭ الدىندا 1948 -جىلدىڭ 30 - قاڭتارىندا قازا تاپقان. وسىدان كەيىن ونىڭ دەنەسى كرەماتسيالانىپ، كۇلى بىرنەشە بولىككە بولىنگەن.
www.24.kz
