قىرعىز ەر-ازاماتتارىنىڭ ۇشتەن ءبىرى زەينەت جاسىنا جەتپەي باقيلىق بولادى

قازىرگى قىرعىزدارىڭ جالپى حالىق سانىنا شاققاندا بۇل ايتارلىقتاي ۇلكەن كورسەتكىش: ەل تۇرعىندارىنىڭ جالپى سانىنا شاققاندا - %4,7. بۇل دەرەكتى اتالعان ەلدىڭ ۇلتتىق ستاتيستيكالىق كوميتەتى كەلتىرىپ وتىر.

ناقتىراق ايتقاندا، ايىر قالپاقتى اعايىنداردىڭ جارتى ميلليون ازاماتى زەينەت جاسىندا. ولاردىڭ جاسى 63 تەن اسقان ەر-ازاماتتاردىڭ قاراسى شامامەن 150 مىڭ ادامدى نەمەسە قىرعىز ەركەكتەرىنىڭ %4,7 ىن قۇرايدى. ال جاسى 58 دەن اسقان ايەلدەر قاراسى 349 مىڭ ادام نەمەسە قىرعىز اق جاۋلىقتىلارىنىڭ %10,8 ىن قۇراپ وتىر.

قىرعىزستاننىڭ ۇلتتىق ستاتيستيكالىق كوميتەتى وسى مالىمەتتەردىڭ نەگىزىندە مىناداي تۇجىرىم جاسادى: قىرعىز جۇرتىنىڭ زەينەت جاسىنداعى تۇرعىنداردىڭ دەنى ايەلدەر. اتالمىش ەلدەگى ايەلدەردىڭ ورتاشا ءومىر ءسۇرۋ ۇزاقتىعى 75,6 جاس، ال ەرلەر اراسىندا بۇل كورسەتكىش 67,4 جاس. قىرعىزستاندا زەينەت جاسىنا امان-ەسەن جەتەتىن ايەلدەر قاراسى شامامەن %90 دا ەرلەردە بۇل كورسەتكىش 70 پايىزدان اسپايدى. بۇل قىرعىز ەر-ازاماتتارىنىڭ ۇشتەن ءبىرى زەينەت جاسىنا جەتپەيدى دەگەن ءسوز.

islam.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى