ەۋروپا ليگاسى: «استانا» ءوز الاڭىندا «پارتيزاننان» جەڭىلىپ قالدى

1-تۋردا «مانچەستەر يۋنايتەدتەن» ۇتىلعان استانالىقتار بۇگىن جەڭىسكە جەتۋ ءۇشىن بارىن سالاتىنى و باستان بەلگىلى ەدى. الايدا، ويىنداعى العاشقى گولدى قوناقتاردىڭ شابۋىلشىسى ومار سادىق 28- مينۋتتا سوقتى.

«استانا» فۋتبولشىلارى گول سوعۋ ءۇشىن قانشا تالپىنعانمەن، پارتيزانداردىڭ قارىمتا شابۋىلدارى قاۋىپتى بولدى. 73-مينۋتتا سونداي شابۋىلداردىڭ تاعى ءبىرى گولمەن اياقتالدى. بۇل جولى دا ومار سادىق گول اۆتورى بولدى. ول ءۇشىنشى رەت تە گول سوعىپ ەدى، ءبىراق وفسايدتا تۇرعاندىقتان، تورەشىلەر گولدى ەسەپكە المادى.

«استانا» جاعدايدى رەتتەۋ ءۇشىن بارىنشا شابۋىلدادى. ستاديونعا كەلگەن جانكۇيەرلەر سۇيىكتى كومانداسىنىڭ گولىن 85-مينۋتقا دەيىن كۇتتى. قاپتاعان شابۋىلداردىڭ بىرىندە ر. سيگۋرونسسون گول سوعىپ، ەسەپتى قىسقارتتى. ويىن 1:2 ەسەبىمەن اياقتالدى.

ەكى ويىندا دا جەڭىلىسكە ۇشىراعان «استانا» L توبىندا 4-ورىندا قالدى. «پارتيزان» 4 ۇپايمەن كەستە باسىنا شىعىپ الدى. ەندى «م ي ۋ» سىرت الاڭدا گوللانديانىڭ «ا ز» كومانداسىمەن وينايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى