قازاقستان كورشى مەملەكەتتەرگە قانداي تاۋارلاردى شىعارا الادى

«ماسەلەن، ءبىز رەسەيگە باعىتتالعان ەكسپورتتى 80 تاۋارلىق پوزيتسياعا دەيىن ارتتىرا الامىز. قازاقستاندىق نارىقتان رەسەيگە مەتالل ونەركاسىبىنىڭ، حيميا ونەركاسىبىنىڭ تاۋارلارى، ازىق- تۇلىكتەر، ۋران مەن باسقا دا تاۋارلار تارتىمدى. ءبىز ولارعا 245,6 ميلليون دوللاردىڭ تاۋارىن تاسىمالداي الامىز. سول سەكىلدى، قىتايعا قۇنى 1,6 ميلليارد دوللارلىق 60 تاۋار ءتۇرىن جىبەرەرلىك الەۋەت بار. اتاپ ايتقاندا، ول جاققا تەمىر مەن بولاتتىڭ يلەمدەلگەن ءتۇرىن، جارتىلاي فابريكاتتار مەن ۋران، كۇكىرت، بيداي، ماي ونىمدەرىن، كونديتەرلىك ونىمدەردى شىعارا الامىز. ودان بولەك، قىتايعا ءبىزدىڭ ەلدەن بۇرىن اپارىلماعان وكسيد، سەمەنت، مەتالدىڭ بولەك تۇرلەرى سەكىلدى تاۋاردىڭ 30 ءتۇرىن ساۋدالاۋعا مۇمكىندىك بار»، - دەدى ق ر ساۋدا جانە ينتەگراتسيا ۆيتسە- ءمينيسترى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

ونىڭ ايتۋىنشا، قازاقستاندىق كاسىپكەرلەر تۇرىكمەنستانعا قۇنى 123 ميلليون دوللارعا تاۋاردىڭ 40 ءتۇرىن، وزبەكستانعا 210 ميلليون دوللارلىق 70 تاۋار ءتۇرىن شىعارا الادى.

ەسكە سالا كەتسەك، بۇعان دەيىن قايرات تورەبايەۆ ەۋرازيالىق ەكونوميكالىق وداق اياسىندا رەسەي نارىعىنا ەنگەن وتاندىق كومپانيالار بەتپە- بەت كەلگەن پروبلەمالارىن ايتقىسى كەلە بەرمەيتىنىن ءمالىم ەتكەن ەدى.

اۆتور ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى