ءاليا نازاربايەۆا مەكتەپ اۋلاسىنا اعاش وتىرعىزدى
جاس ۇرپاقتى تابيعي رەسۋرستارعا قامقورلىقپەن قاراۋعا ناسيحاتتاۋعا باعىتتالعان شارانى قازاقستان ەكولوگيالىق ۇيىمدارى قاۋىمداستىعى ءتورالقاسىنىڭ ءتوراعاسى ءاليا نازاربايەۆا دا قولداۋ كورسەتىپ، ەلورداداعى №83 مەكتەپكە باردى. ول ءوز سوزىندە بارلىق قوعامداستىقتى، قوعام قايراتكەرلەرى مەن بيزنەس وكىلدەرىن ەكولوگيالىق ساعاتقا قولداۋ كورسەتۋگە شاقىردى.
«وسى ساتتەن باستاپ بۇكىل ەلىمىزدە «ەكو- ساعات» دەپ اتالاتىن اۋقىمدى جوبانىڭ باستالعاندىعىن اتاپ وتكەنىمە قۋانىشتىمىن. وسى جوبانىڭ اياسىندا ءبىزدى قورشاعان تابيعاتقا بەي- جاي قارامايتىن ادامدارمەن كەزدەسۋ ۇيىمداستىرۋ جوسپارلانعان. سونىمەن قاتار ءبىز تابيعي رەسۋرستارعا قامقورلىقپەن قاراۋعا ۇندەيتىن ارنايى انيماتسيالىق روليك تە دايىندادىق. وقۋ جىلى بويى ەكولوگياعا قاتىستى كوپتەگەن الەمدىك مەرەكەلەر وتەدى. سول سەبەپتى مۇنان كەيىنگى ەكولوگيالىق ساعاتتاردا ءتۇرلى باعىتتار قاراستىرىلادى. ماسەلەن، كۇن، جەل، سۋ سىندى بالاما ەنەرگيا كوزدەرىن قالاي پايدالاۋعا بولاتىندىعى توڭىرەگىندە ءوربيدى» ، - دەدى ءا. نازاربايەۆا.
ايتا كەتەيىك، بۇكىل ەلىمىزدىڭ مەكتەپتەرىندە وتكەن ەكولوگيالىق ساعات بارىسىندا 200 مىڭعا جۋىق اعاش وتىرعىزىلدى.
