بەرىك ءابدىعالي ۇلى ۇلىتاۋعا اكىم بولىپ تاعايىندالدى
«جاڭا اكىمنىڭ كانديداتۋراسىنا اۋداندىق ءماسليحات دەپۋتاتتارى داۋىس بەردى. ول ۇلىتاۋ تۇرعىندارىنا دا بەلگىلى، سەبەبى 2010 -جىلى وسى اۋداندى باسقارعان»، - دەلىنگەن وبلىس اكىمدىگىنىڭ رەسمي سايتىندا.
بەرىك ءابدىعالي ۇلى 1971 -جىلى قاراعاندى وبلىسىنىڭ رۋدنيك كەنتىندە دۇنيەگە كەلگەن. ماماندىعى بويىنشا - تاريح جانە قوعامتانۋ وقىتۋشىسى. 1989 -جىلى قاراعاندى وبلىستىق بالالار كىتاپحاناسىندا كىتاپحاناشى رەتىندە ەڭبەك جولىن باستاعان. ءار جىلدارى ق ر پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتىندا جۇمىس ىستەدى. ءبولىم مەڭگەرۋشىسى ورىنباسارىنىڭ مىندەتىن اتقارعان جانە باسشى ورىنباسارى لاۋازىمىندا بولعان. سونداي- اق ق ر مادەنيەت، اقپارات جانە قوعامدىق كەلىسىم مينيسترلىگىنىڭ ىشكى ساياسات دەپارتامەنتى ديرەكتورىنىڭ ورىنباسارى قىزمەتىن اتقاردى.
1999-2000 -جىلدارى ق ر قاۋىپسىزدىك كەڭەسىنىڭ تالداۋ ورتالىعى (استانا) مەڭگەرۋشىسىنىڭ ورىنباسارى قىزمەتىن اتقاردى. 2001-2002 -جىلدارى تەمىرتاۋ قالاسى اكىمىنىڭ ورىنباسارى لاۋازىمىندا بولعان.
2012 -جىلى جەزقازعان قالاسىنىڭ اكىمى بولىپ تاعايىندالدى جانە وسى جىلى ق ر پرەمەر- ءمينيسترىنىڭ كەڭسەسىنە ءوتىپ، ءبىرىنشى ۆيتسە- پرەمەردىڭ كەڭەسشىسى بولدى.
2013 -جىلى - قاراعاندى وبلىسى اكىمىنىڭ ورىنباسارى بولدى.
«قازاقستان رەسپۋبليكاسىنىڭ ۇلتتىق مۋزەيى» ر م ك ك جانىنداعى «ساكرالدى قازاقستان» عىلىمي- زەرتتەۋ ورتالىعىنىڭ باسشىسى بولدى.
قازىرگى ۋاقىتقا دەيىن ق ر مادەنيەت جانە سپورت ءمينيسترىنىڭ شتاتتان تىس كەڭەسشىسى، ق ر ۇلتتىق مۇراعاتىنداعى «ارحيۆ-2025» عىلىمي- ادىستەمەلىك ورتالىعىن باسقاردى.
اۆتور قانات مامەتقازى ۇلى
