«عاسىر ولجاسى»: سولتۇستىك قازاقستاندا ارحەولوگتار سەنساتسيالىق جاڭالىق اشتى

بۇل تۋرالى «ك ت ك» ارناسى حابارلايدى.

كەسەنەنىڭ كەسكىن- كەلبەتى مەن 1200 مەترلىك اۋماعىنان داۋلەتتى ادامداردىڭ قابىرى بارىن بىردەن اڭعارۋعا بولادى.

بەيىتتە ەكى كىسىنىڭ دەنەسى جاتقانى انىقتالدى. كومىلگەن مۇردە شىڭعىسحاننان تاراعان تورە تۇقىمىنا تيەسىلى بولۋى مۇمكىن. قازبا جۇمىستارى كەزىندە 14-16- عاسىرعا جاتاتىن كوپتەگەن كونە بۇيىمدار دا تابىلعان.

اسىراسە، ارحەولوگتار 700 جىل بۇرىنعى قۇرىلىسشىلاردىڭ ەڭبەگىنە تاڭداي قاقتى. سەبەبى، قانشا جىل وتسە دە، قىس كىرپىشتەر سول قالپى ساقتالىپتى. ولاردىڭ كولەمى قازىرگىمەن سالىستارعاندا ەداۋىر ۇلكەن ەكەن.

«بۇل مازاردىڭ العاشقى مالىمەتتەرىن قاراپ، العاشقى تابىلعان زاتتارعا قاراساق، ولار وسى التىن ورتا داۋىرىندە بۇل وڭىردە مەملەكەتتىڭ، قالالاردىڭ بولعانىن دالەلدەيدى. تاڭقالارلىق عاجايىپ وقيعا دەپ وتىرمىز. ءبىزدىڭ اقتاڭداق بەتتەرىمىزدىڭ جاڭا دەڭگەيگە كوتەرىلىپ، اشىلاتىنىنا كامىل سەنەمىز»، - دەيدى وبلىستىق ارحيۆ ديرەكتورى ساۋلە مالىكوۆا.

ماماندار بۇل بەيىتتى «عاسىر ولجاسى» دەپ وتىر. زيراتتاعى قازبا جۇمىستارى بيىل توقتاتىلماق.

ال كەلەر جىلى زەرتتەۋشىلەر قايتا ىسكە كىرىسپەك. زەرتەۋ جۇمىستارى اياقتالعان سوڭ مازار قاسيەتتى جەرلەر تىزىمىنە ەنىپ، مۇراجايعا اينالۋى مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى