تۇرمە اۋماعىنداعى «ساقالدى قۇرىلىس»: ش ق و-دا اۋىل قازاندىعى ىسكە قوسىلدى
وندا شۋاق اۋىلىنداعى و ۆ-156/18 قىلمىستىق-اتقارۋ جۇيەسى مەكەمەسىنىڭ وندىرىستىك اۋماعىندا جۇرگىزىلىپ جاتقان جىلۋ قازاندىعىنىڭ قۇرىلىسىمەن تانىستى، دەپ حابارلايدى قازاقپارات.
ەسكە سالساق، جىلۋ قازاندىعىنىڭ قۇرىلىسى 2011 -جىلدىڭ مامىر ايىندا باستالعان. جوسپارعا سايكەس نىسان 2013 -جىلى قولدانىسقا بەرىلۋى ءتيىس ەدى. الايدا، جوبانى ىسكە قوسۋ جۇمىستارى بارىسىندا قيىندىقتار تۋىنداعان. بۇدان بولەك، 2016 -جىلى جوبانىڭ باس قۇرىلىس مەردىگەرى بولىپ تاعايىندالعان «قۇرىلىس-مونتاج كاسىپورىنى - الماتى» ج ش س بانكروتقا ۇشىرادى. جالپى ايتقاندا، قۇرىلىس-مونتاج جۇمىستارى 71 پايىزعا ورىندالعان.
وسى كۇنگە دەيىن اۋىل تۇرعىندارى 1965 -جىلى سالىنعان ەسكى قازاندىقتى پايدالانىپ وتىر. قازاندىق مازۋتپەن جۇمىس ىستەيدى. دانيال احمەتوۆتىڭ ايتۋىنشا، سونىڭ سالدارىنان ايتارلىقتاي قارجى شىعىندالىپ وتىرعان. جىلۋ قازاندىعىنىڭ ەكسپلۋاتاتسياسىنا جىل سايىن 500 ميلليون تەڭگە جۇمسالعان. سوعان قاراماستان، ۇيلەردەگى جىلۋ تالاپقا سايكەس كەلمەگەن.
سەمەي اقپاراتتىق ورتالىعىنان ءمالىم ەتكەندەي، اعىمداعى جىل باسىندا كوميسسيا قۇرىلىپ، قۇرىلىسى بىتپەگەن نىساندا تەحنيكالىق زەرتتەۋ جۇرگىزىلگەن. ءسويتىپ، شىلدە ايىندا بۇل جۇمىسقا «ازياەنەرگوپروەكتمونتاج» ج ش س جاڭا مەردىگەر بولىپ تاعايىندالدى.
كومپانيا تۇزەتۋلەر ەنگىزىپ، جوباداعى قاتەلەردى جوندەپ، جىلۋ قازاندىعىنىڭ قۇرىلىسىن اياقتادى. قازىر نىساندى ىسكە قوسۋ جۇمىستارى جۇرگىزىلۋدە.
«بىرنەشە كۇننەن كەيىن جاڭا جىلۋ قازاندىعى قولدانىسقا بەرىلەدى. وسىلايشا، قانشاما جىلدان بەرى تۇرعىنداردى الاڭداتىپ كەلگەن ماسەلە شەشىمىن تاپتى. 10 -قازاننان باستاپ اۋىلداعى بارلىق ۇيگە جىلۋ بەرىلەدى»، - دەدى دانيال احمەتوۆ.
ايتا كەتەيىك، شۋاق كەنتىندە 500 گە جۋىق وتباسى تۇرادى. وندا كوپقاباتتى 9 ءۇي بار. قىلمىستىق- تۇزەۋ مەكەمەسىندە ۇلتتىق گۆاردياشىلاردى قوسقاندا 550 ادام جۇمىس ىستەيدى.
