اسحات ماەميروۆ جاڭا قىزمەتكە تاعايىندالدى

اسحات ماكسيم ۇلى 1974 -جىلى 12 -ناۋرىزدا باتىس قازاقستان وبلىسىندا دۇنيەگە كەلگەن.

1991-1995 -جىلدارى باتىس قازاقستان مەملەكەتتىك ۋنيۆەرسيتەتىنىڭ فيلولوگيا فاكۋلتەتىندە ءبىلىم العان.

1996 -جىلى ت. جۇرگەنوۆ اتىنداعى قازاق ۇلتتىق ونەر اكادەمياسىن دراما رەجيسسەرى ماماندىعى بويىنشا ءبىتىردى.

ەڭبەك جولىن 1997 -جىلى باتىس قازاقستان وبلىستىق قازاق دراما تەاترىندا اكتەر بولىپ باستادى. كەيىن قويۋشى- رەجيسسەر، وبلىستىق حالىق شارۋاشىلىعى ورتالىعىندا باس رەجيسسەر بولىپ جۇمىس ىستەدى. بۇدان سوڭ باتىس قازاقستان مەملەكەتتىك ۋنيۆەرسيتەتىندە وقىتۋشى، قۇرمانعازى اتىنداعى ورال مۋزىكالىق كوللەدجىنىڭ اكتەر شەبەرلىگى ءبولىمىنىڭ مەڭگەرۋشىسى، «قازاقستاننىڭ رۋحاني دامۋ قورى» ا ق ۆيتسە-پرەزيدەنتى، ق ر مادەنيەت جانە سپورت مينيسترلىگىنىڭ جانىنداعى «قازاق اۋەندەرى» ا ق پرەزيدەنتى بولىپ قىزمەت ەتتى.

2008 -جىلى «بولاشاق» حالىقارالىق ستيپەندياسىمەن سوربوننا ۋنيۆەرسيتەتىندە جانە پاريج ۇلتتىق ونەر كونسەرۆاتورياسىندا ءبىلىمىن جەتىلدىردى. 2010 -جىلى رەسەي تەاتر ونەرى ينستيتۋتىنىڭ ماگيستراتۋراسىن ءتامامدادى.

2017 -جىلدىڭ 12 -مامىرىندا ق ر مادەنيەت جانە سپورت ءمينيسترىنىڭ بۇيرىعىمەن «قازاقكونسەرت» ونەر بىرلەستىگىنىڭ باس ديرەكتورى بولىپ تاعايىندالدى.

2018 -جىلدىڭ 12 -اقپانىندا م. اۋەزوۆ اتىنداعى قازاق مەملەكەتتىك اكادەميالىق دراما تەاترىنا جەتەكشىلىك ەتتى.

بۇعان دەيىن ا. ماەميروۆ ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى قىزمەتىن اتقاردى.

ايتا كەتەيىك، «قاللەكي» تەاترىن بۇعان دەيىن جاۋدىر ايبولات باسقارعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى