تارازدىڭ ورتالىق الاڭىنا ەلباسىنىڭ ەسىمى بەرىلدى
ءتيىستى قاۋلى «ادىلەت» نورماتيۆتىك قۇقىقتىق اكتىلەرىنىڭ اقپاراتتىق- قۇقىقتىق جۇيەسىنىڭ پورتالىندا جاريالانعان. قۇجات ماتىنىندە اۋماق حالقىنىڭ پىكىرى ەسكەرىلگەنى جانە 2019 -جىلعى 24 -مامىرداعى ق ر ۇكىمەتى جانىنداعى رەسپۋبليكالىق ونوماستيكا كوميسسياسىنىڭ قورىتىندىسى بولعانى ايتىلعان. ونىڭ نەگىزىندە جامبىل وبلىسىنىڭ اكىمدىگى قاۋلى ەتىپ، وڭىرلىك ءماسليحات تاراز قالاسىنىڭ «دوستىق» الاڭىن «نۇرسۇلتان نازاربايەۆتىڭ» ەسىمىمەن قايتا اتاۋ تۋرالى شەشىم قابىلداعان.
«وسى نورماتيۆتىك قۇقىقتىق اكتى ادىلەت ورگاندارىندا مەملەكەتتىك تىركەلگەن كۇننەن باستاپ كۇشىنە ەنەدى جانە العاش رەسمي جاريالانعان كۇننەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى»، - دەلىنگەن قۇجاتتا.
اۆتور: عيبرات سەمباي
