«قازاق حاندىعى» تاريحي فيلمى «وسكار» پرەمياسىنا ۇسىنىلدى
بۇل تۋرالى Hollywood Reporter كينو الەمىندەگى امەريكاندىق بەدەلدى باسىلىمى جازدى.
وسىدان بىرنەشە كۇن بۇرىن الەمدىك ب ا ق «شەت تىلىندەگى ەڭ ۇزدىك فيلم» نوميناتسياسىندا «وسكار-2020» پرەمياسىنا قاي فيلمنىڭ ۇسىنىلعاندىعى تۋرالى حابارلادى.
سونىمەن، بەدەلدى سىيلىققا ۇمىتكەرلەردىڭ ءبىرى «قازاق حاندىعى. التىن تاق» تاريحي فيلمى بولدى. بۇل سول اتاۋداعى تەلەحيكايانىڭ فيلمدىك نۇسقاسى، سونىمەن بىرگە «قازاق حاندىعى. الماز قىلىش» كينو ەپوپەياسىنىڭ جالعاسى.
امەريكالىق باسىلىم بۇعان دەيىن «XV عاسىرداعى قازاق حاندىعىنداعى تاقتالار ويىنى» فيلمىنىڭ سيۋجەتىن اتاعان.
وسكار سىيلىعىنا ۇسىنىلعان فيلمدە قازاق حاندىعىنىڭ قۇرىلۋى تۋرالى باياندالادى. بۇل جاس قازاق مەملەكەتىنىڭ سىرتقى جاۋلارمەن بەتپە- بەت كەلۋى، جوعالعان قالالارىن قايتارۋ تۋرالى وقيعا. ءفيلمنىڭ ستسەنارييى ءىلياس ەسەنبەرليننىڭ «الماس قىلىش» رومانىنا نەگىزدەلگەن. جوبا يدەياسىنىڭ اۆتورى - قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ.
