تاعى ءبىر قازاقستان ازاماتى وڭتۇستىك كورەيادا ەرەجە بۇزىپ، قاشىپ كەتپەك بولعان
قۇقىق قورعاۋ ورگاندارى قىزمەتكەرلەرىنىڭ اقپاراتى بويىنشا، وقيعا 23- قىركۇيەك كۇنى كۆاندجۋ قالاسىندا ورىن العان.
قازاقستاننان كەلگەن زاڭسىز ميگرانت تاكسيمەن سوقتىعىسىپتى. جول-كولىك وقيعاسىنان كەيىن ول قاشىپ كەتۋگە تىرىسقان، ءبىراق كولىك جۇرگىزۋشىسى ونى ۇستاپ الادى.
وقيعادان كەيىن قۇقىق بۇزۋشى جىگىت ءتارتىپ ساقشىلارىنا تاپسىرىلعان.
پوليتسيا قازاقستان ازاماتىنىڭ جۇرگىزۋشى كۋالىگىنسىز رولگە وتىرعانىن انىقتادى. سونداي-اق، قۇقىق قورعاۋ ورگاندارىنىڭ قىزمەتكەرلەرى ەر ادامنىڭ وتكەن جىلى ەلگە تۋريست رەتىندە كەلگەنىن بىلگەن.
ەستەرىڭىزگە سالا كەتەيىك، 20- قىركۇيەك كۇنى 20 جاستاعى قازاقستاندىق ازامات وڭتۇستىك كورەيا اۋماعىندا 7 جاسار بالانى قاعىپ، كەلەسى كۇنى كورەيادان كەتىپ قالعان. الايدا جاس جىگىت وتانىنا ورالۋدى ويلاماپتى.
كەيىن جەلىدە ازاماتتىڭ بالانى قاعىپ كەتكەنى تۇسىرىلگەن ۆيدەو پايدا بولدى. وقيعا 10 كۇن بۇرىن ورىن العانىمەن، كۇدىكتىنى ءالى كۇنگە دەيىن ۇستاپ العان جوق.
س ءى م «ونىڭ ىزدەرىنىڭ قايدا اپاراتىنى بەلگىسىز» ەكەنىن حابارلادى.
