ۇلتتىق بانك دارىندى جاستاردى جۇمىسقا شاقىرىپ جاتىر
«قازاقستان رەسپۋبليكاسىنىڭ ۇلتتىق بانكى ق ر ۇلتتىق بانكىنىڭ كادر رەزەرۆىن قالىپتاستىرۋ ءۇشىن ىرىكتەۋدى باستاعانىن حابارلايدى. جوعارى وقۋ ورىندارىنىڭ دارىندى ءارى بولاشاعى زور تۇلەكتەرىن جانە جۇمىس تاجىريبەسى بار بىلىكتى مامانداردى شاقىرامىز. ۇمىتكەرلەردى تاڭداۋ كەزىندە: تيىسىنشە ءبىلىمنىڭ بولۋى، بىلىكتىلىگىنىڭ جوعارى دەڭگەيى، جۇمىس تاجىريبەسى، حالىقارالىق قارجى جانە ءتىل ۇيرەنۋ سەرتيفيكاتتارىنىڭ بولۋى، سونداي-اق ۇمىتكەردىڭ الەۋەتى نەگىزگى ولشەمشارتتار بولىپ سانالادى»، - دەلىنگەن بانك تاراتقان اقپاراتتا.
ەڭ ۇزدىكتەردى تاڭداۋ كەزەڭ-كەزەڭىمەن ىرىكتەۋ ارقىلى قامتاماسىز ەتىلەدى. ۇمىتكەرلەرگە تۇيىندەمە، ەسسە جازۋ جانە ىرىكتەۋدىڭ بىرنەشە ساتىسىنان ءوتۋ ۇسىنىلادى. تۇيىندەمە مەن ەسسەنى قاراۋ ناتيجەسى بويىنشا ىرىكتەلگەن ۇمىتكەرلەر ادام كاپيتالىن دامىتۋ بولىمشەسىمەن اڭگىمەلەسۋگە شاقىرىلادى. ول پسيحولوگيالىق تەستىلەۋدەن، ۇلتتىق بانكتىڭ مۇددەلى بولىمشەلەرىنىڭ باسشىلارىمەن اڭگىمەلەسۋدەن تۇرادى. ىرىكتەۋ جەڭىمپازدارى ۇلتتىق بانكتىڭ كادر رەزەرۆىنە الىنادى جانە ءبىر جىل ىشىندە ۇلتتىق بانككە جۇمىسقا ورنالاستىرىلۋى مۇمكىن. ۇلتتىق بانكتىڭ كادر رەزەرۆىنە الىنعان ادامداردىڭ بەكىتىلگەن ءتىزىمى بانكتىڭ رەسمي ينتەرنەت-رەسۋرسىنا ورنالاستىرىلادى.
بوس لاۋازىم ورىندارىنا قاتىستى اقپارات جانە ولارعا قويىلاتىن تالاپتارمەن بانكتىڭ www.nationalbank.kz رەسمي سايتىنان تانىسا الاسىزدار.
