قازان ايىندا اۋا رايى قانداي بولادى؟

يران اۋماعىنان جىلجىعان جىلى اۋا ماسساسىنىڭ كەلۋىمەن بايلانىستى قازان ايىنىڭ العاشقى اپتاسى جىلى بولادى.

تەرمومەتر باعاندارى كۇندىز ەلدىڭ سولتۇستىك بولىگىندە 15…23 گرادۋسقا دەيىن، وڭتۇستىك بولىگىندە 20…28 گرادۋسقا دەيىن بىرتىندەپ كوتەرىلەدى.

سونىمەن قاتار، ايدىڭ باسىندا سولتۇستىكتە، ورتالىقتا جانە شىعىستا اۋا تەمپەراتۋراسى تۇندە نولدەن 2…10 گرادۋسقا دەيىن تومەندەپ، كەي جەرلەردە 3 گرادۋس نولدەن جوعارى بولادى.

سودان كەيىن ءبىرىنشى ونكۇندىكتىڭ سوڭىندا رەسەيدىڭ ەۋروپالىق اۋماعىنان سۋىق اۋا ماسسالارىنىڭ كەلۋىمەن اۋا تەمپەراتۋراسى ازداپ تومەندەپ، الدىمەن باتىستا سودان كەيىن رەسپۋبليكانىڭ قالعان اۋماعىندا جاۋىن-شاشىن بولۋى مۇمكىن. اۋا تەمپەراتۋراسى كۇندىز باتىس جانە سولتۇستىك وڭىرلەردە نولدەن جوعارى 7…15 گرادۋسقا دەيىن، شىعىستا 8…18 گرادۋسقا دەيىن، وڭتۇستىك وڭىرلەردە 12…20 گرادۋسقا دەيىن تومەندەيدى.

ۇزاق مەرزىمدى بولجامعا سايكەس، قازان ايىندا جاۋىن-شاشىن، تۇمان، كوكتايعاق، ەكپىنى 15-20 م/س- قا جەتىپ، جايلى كۇن رايى ءجيى الماسىپ وتىرادى.

«قازان ايىنىڭ ورتاشا اۋا تەمپەراتۋراسى قازاقستاننىڭ كوپتەگەن بولىگىندە نورماعا جۋىق، تۇركىستان، جامبىل، الماتى، قىزىلوردا وبلىسىنىڭ باتىسىندا نورمادان 1°گرادۋس جوعارى بولادى. جاۋىن-شاشىن مولشەرى ەلىمىزدىڭ كوپتەگەن بولىگىندە - جىلدىق ورتاشا مانگە جۋىق شامادا، باتىس قازاقستان، اتىراۋ، اقتوبە، قىزىلوردا، قوستاناي جانە قاراعاندى وبلىستارىندا نورمادان تومەن بولۋى ىقتيمال»، - دەلىنگەن سينوپتيكتەر بولجامىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى