قاراعاندى وبلىسىندا تۇرعىن ءۇي قۇرىلىسى قارقىنداي تۇسەدى
جەڭىس قاسىمبەك ءوز ارىپتەستەرىن جانە جەرگىلىكتى قۇرىلىس سالۋشىلاردى وسى باعىتتا بەلسەندى جۇمىس ىستەۋگە شاقىردى. ول ءۇشىن بۇگىندە ەلىمىزدە مەملەكەتتىك قولداۋدىڭ ءتۇرلى تەتىكتەرى جۇمىس ىستەيدى. ولاردىڭ شارتتارى تۋرالى «بايتەرەك» ۇ ب ح» ا ق مەن ەنشىلەس كومپانيالاردىڭ ءبىرىنشى باسشىلارى ايتىپ بەردى.
كەزدەسۋ بارىسىندا مۇعالىمدەر مەن دارىگەرلەردىڭ تۇرعىن ءۇي ماسەلەسىن قازاقستان يپوتەكالىق كومپانياسى ارقىلى شەشۋگە بولاتىن نۇسقالار ۇسىنىلدى. «قازاقستان يپوتەكالىق كومپانياسى» ا ق باسقارما ءتوراعاسى ءادىل مۇحامەدجانوۆ قاراعاندى وبلىسىنىڭ اكىمى جەڭىس قاسىمبەككە مەموراندۋم جاساۋدى ۇسىندى. وسى نەگىزدە قيك جاڭا قۇرىلىستاردا دارىگەرلەر مەن پەداگوگتارعا 200 پاتەر بەرە الادى.
تۇرعىن ۇيگە مۇقتاج ادامداردىڭ ءتىزىمىن دەنساۋلىق ساقتاۋ جانە ءبىلىم بەرۋ باسقارمالارى قالىپتاستىراتىن بولادى. سودان كەيىن قازاقستاندىق يپوتەكالىق كومپانيا ۇمىتكەرلەردىڭ تولەم قابىلەتتىلىگىن تەكسەرەدى. مۇنداي پاتەردى الۋ ءۇشىن باستاپقى جارنا قاجەت ەمەس. ەكى بولمەلى پاتەر ءۇشىن اي سايىنعى تولەم سوماسى 60 تان 70 مىڭ تەڭگەگە دەيىن بولادى. ۋاقتىلى تولەنگەن جاعدايدا، 20 جىلدان كەيىن تۇرعىن ءۇي الۋشىنىڭ مەنشىگىنە وتەدى. پاتەردى بۇل مەرزىمنەن بۇرىن دا ساتىپ الۋعا بولادى.
«بۇل ۇلكەن كومەك. مەن وسى مەموراندۋمدى قولدايتىنىمدى ايتقىم كەلەدى. قول قويايىق، شارتتارى وتە جاقسى. جاڭا ۇيلەردەگى ەكى بولمەلى پاتەرلەردىڭ اۋماعى 70 شارشى مەترگە دەيىن جەتەدى. دەمەك، پاتەردى جالداپ تۇرعاننان گورى، وسى باعدارلاما بويىنشا ساتىپ العان تيىمدىرەك بولادى. سونىمەن قاتار، مەموراندۋم اياسىندا تۇرعىن ءۇي مەرزىمى وتكەننەن كەيىن جالعا الۋشىنىڭ مەنشىگىنە وتەدى» ، - دەدى جەڭىس قاسىمبەك.
«قازاقستاننىڭ تۇرعىن ءۇي قۇرىلىس جيناق بانكى» ا ق باسقارما ءتوراعاسى ءلاززات يبراگيموۆا قاراعاندى وبلىسى - «تۇرعىن ءۇي قۇرىلىس جيناق بانكى» سالىمشىلارىنىڭ سانى بويىنشا كوشباسشىلاردىڭ ءبىرى ەكەنىن حابارلادى. تەك قاراعاندىدا 97636 ادامنىڭ دەپوزيتتەرى بار. تەمىرتاۋدا - 5810 ادام، جەزقازعاندا - 8473 ادام، ساتپايەۆ جانە بالقاشتا – 5000 نان استام سالىمشى.
الايدا، ونىڭ ايتۋىنشا، ولاردىڭ كوپشىلىگى تۇرعىن ءۇيدى ەكىنشى نارىقتا ساتىپ الادى. بۇل، بىرىنشىدەن، جاڭا قۇرىلىستارداعى پاتەرلەردىڭ جەتىسپەۋىنەن، ەكىنشىدەن، شارشى مەتردىڭ باعاسى 140 مىڭ تەڭگەدەن جوعارى بولۋ سەبەپتى ولاردى جەڭىلدىكتى باعدارلاما بويىنشا ساتىپ الۋعا جاتپايتىنىنان.
بۇل ماسەلەنى شەشۋ ءۇشىن وبلىس اكىمى قۇرىلىس كولەمىن ارتتىرىپ، سۋبسيديالاۋدىڭ ءتۇرلى نۇسقالارىن ويلاستىرۋدى تاپسىردى. كەلەسى جىلدىڭ وزىندە پايدالانۋعا بەرىلگەن پاتەرلەر سانى وسى جىلمەن سالىستىرعاندا كەمىندە ءبىر جارىم ەسە ءوسۋى ءتيىس.
«قاجەتتىلىك بار، ۇلكەن سۇرانىس بار. اكىمدىك قاراعاندىلىقتاردى تۇرعىن ۇيمەن قامتاماسىز ەتۋ ءۇشىن قۇرىلىس سالۋشىلارمەن سىندارلى جانە اشىق جۇمىس ىستەۋگە دايىن. بۇل وبلىستىڭ باسقا وڭىرلەرىنە دە قاتىستى» ، - دەپ اتاپ ءوتتى جەڭىس قاسىمبەك.
سونداي- اق، وبلىس باسشىسى قۇرىلىس ماتەريالدارى ءوندىرىسىن ۇلعايتۋ ماسەلەسىن دە قوزعادى. قاراعاندى وبلىسىنىڭ اۋماعىندا وسىنداي 140 كاسىپورىن جۇمىس ىستەيدى. ءبىراق بۇل باعىتتا ودان ءارى دامۋ الەۋەتى بار. ايماق باسشىسى بيزنەسكە دامۋ ينستيتۋتتارىمەن بىرلەسىپ يمپورت الماستىرۋ بويىنشا جۇمىسقا بەلسەندى قاتىسۋدى ۇسىندى. مەملەكەتتىك قولداۋ قۇرالدارى جاڭا كاسىپورىندارعا ايتارلىقتاي قارجىلىق كومەك كورسەتۋگە مۇمكىندىك بەرەدى.
