ايەلدەر قانداي جۇرەك اۋرۋلارىنا ءجيى شالدىعادى؟
ايەلدەردە كەزدەسەتىن بۇل اۋرۋ بەلگىلەرىنىڭ قانداي ايىرماشىلىعى بار جانە ولاردى قالاي الدىن الۋ كەرەك؟ ەر ادامدار مەن ايەلدەر ءۇشىن جۇرەك- قان تامىرلار اۋرۋىنا شالدىعۋ قاۋپىنىڭ سەبەپتەرى بىردەي: دۇرىس ەمەس تاماقتانۋ، از قوزعالىستى ءومىر ءسۇرۋ سالتى، تۇقىمقۋالاۋشىلىق، تەمەكى تارتۋ، الكوگول كوپ ءىشۋ جانە ۋاقىتىلى زەرتتەۋدەن وتپەۋ. ءبىراق عالىمدار ەر ادامدار اۋرۋحاناعا اتەروسكلەروز، تەمەكى تارتۋ، الكوگوليزم جانە زات الماسۋدىڭ بۇزىلۋىنان جيىرەك تۇسسە، ايەلدەر ءۇشىن ديابەت، اريتميا (جۇرەك سوعۋىنىڭ ىرعاقسىزدىعى) ، از قوزعالىستى ءومىر ءسۇرۋ سالتى جانە حولەستەريننىڭ جوعارى دەڭگەيى سەبەپ بولادى ەكەن.
ايەلدەردە ەرلەرگە قاراعاندا جۇرەك پروبلەماسى كەشىرەك پايدا بولادى. سەبەبى ايەلدەر اعزاسى كوبىرەك ەستروگەن بولەدى: ول حولەستەرين دەڭگەيىن رەتتەۋگە كومەكتەسەدى جانە قان تامىرلاردى زاقىمدانۋدان قورعايدى. الايدا ەتەككىر ۇزىلىسىنەن كەيىن بۇل گورمون دەڭگەيى تۇسە باستايدى، سوندىقتان جۇرەك اۋرۋلارى دامۋىنىڭ ءقاۋپى جوعارىلاي تۇسەدى. ايەلدەردە جۇرەك- قان تامىرلار اۋرۋىنىڭ بەلگىلەرى باسقاشا بولىپ كەلەدى. %70 ايەلدە ينفارك ەش بەلگىسىز باستالادى: كەۋدە تۇسىنىڭ قاتتى اۋىرۋىنىڭ ورنىنا ءىشتىڭ ۇستىنگى بولىگىندە، ارقادا، مويىندا جاعىمسىز سەزىم پايدا بولادى. كەيدە ونىڭ بەلگىلەرى ينفاركتقا قاراعاندا قىجىلعا ۇقساپ كەلەدى. بۇل ناقتى دياگنوز قويۋعا كەدەرگى جاسايدى. الايدا، كەي اۋرۋحانالاردا ستاندارتتى زەرتتەۋدەن بولەك تروپونين I- گە قوسىمشا قان اناليزىن الادى: ول جۇرەك بۇلشىقەتى قانشالىقتى زاقىمدالعانىن كورسەتەدى.
ايەلدەردە ءجيى كەزدەسەتىن جۇرەك اۋرۋلارى: - «جارالانعان جۇرەك سيندرومى». بۇل اۋرۋ قاتتى كۇيزەلىس سەبەبىنەن پايدا بولادى. كۇيزەلىس اقۋىزدار دەڭگەيىن كوتەرىپ جىبەرەدى: ول ىسىككە اكەلەدى جانە جۇرەك ىرعاعىن بۇزادى. ونىڭ بەلگىسى جۇرەك ۇستاماسىنا ۇقسايدى: كەۋدە تۇسى اۋىرادى جانە تىنىس الۋ قيىنداي تۇسەدى. ءبىراق مۇنداي اۋرۋعا، ادەتتە، تەمەكى تارتاتىن، الكوگول ىشەتىن، ارتىق سالماعى بار جانە ونىڭ ۇستىنە قانداي دا ءبىر اۋىر جاعدايعا تاپ بولعان (مىسالى، سۇيىكتىسىن جوعالتۋ) ايەلدەر شالدىعادى.
- ميوكاردتىڭ (جۇرەك بۇلشىقەتى) قايتالامالى ينفاركتى. ينفاركتتى باسىنان وتكىزگەن ايەلدەر دەپرەسسياعا بەيىم بولىپ كەلەدى. ال جۇيكە جۇيەسىنىڭ بۇزىلۋى قايتالامالى ينفاركت بولۋ قاۋپىن% 53- عا ارتتىرادى.
- ينسۋلت. ايەلدەردە ينسۋلت ەر ادامدارعا قاراعاندا ءجيى بولادى. ول ايەلدەر قان تامىرلارىنىڭ السىزدىگىنەن دەگەن پىكىر بار. ءبىراق ول ءالى دالەلدەنبەگەن. جۇرەك- قان تامىرلار اۋرۋلارىنىڭ دامۋ قاۋپىن قالاي ازايتۋعا بولادى؟
- ۋاقىتىلى دارىگەرگە قارالىڭىز. ايەلدەر، اسىرەسە، ەتەككىر توقتاعاننان كەيىن جىل سايىن تەكسەرىستەن ءوتۋ كەرەك؛
- كۇنىنە از دەگەندە جارتى ساعات ۋاقىتتى فيزيكالىق كۇشكە جۇمساڭىز؛
- دۇرىس تاماقتانىڭىز: راتسيونىڭىزدا فولي قىشقىلى، س، ە، D دارۋمەندەرى، كالتسي، ماگني جانە كالي بولۋى كەرەك. - تۇز مولشەرىن ازايتىڭىز.
- زياندى ادەتتەردەن باس تارتىڭىز؛
- ۇيقىنى قاندىرىڭىز. سوڭعى زەرتتەۋلەر بويىنشا، ايەلدەردە ۇيقىنىڭ بۇزىلۋى سەمىزدىككە جانە قانت ديابەتىنە اكەلەدى. ال ولار ءوز كەزەگىندە جۇرەك اۋرۋلارىنىڭ دامۋ قاۋپىن ارتتىرادى.
Massaget.kz
