ناسا قارا قۇردىمنىڭ ۆيدەوسىن جاريالادى

 جارىق ساقيناسى قورشاعان قارا قۇردىمنىڭ كولەڭكەسى بەينەلەنگەن ۆيدەونى NASA اگەنتتىگى جاساپ شىققان. عارىش اگەنتتەگىنىڭ مالىمەتىنشە، ونىڭ گراۆيتاتسيا وتە قۋاتتى بولادى. سول سەبەپتى قارا قۇردىمنىڭ اينالاسىنداعى جارىق جولى ءيىلىپ، ۋاقىت كەڭىستىگى وزگەرەدى. بۇعان دەيىن قارا قۇردىمنىڭ سۋرەتى جاريالانعان بولاتىن. گالاكتيكا كىندىگىندەگى بۇل قۇبىلىستىڭ فوتوسىن ءتۇسىرۋ ءۇشىن زەرتتەۋشىلەر Event Horizon Telescope جوباسىن ازىرلەگەن بولاتىن. ول ءۇشىن جەردىڭ ءار تۇكپىرىنە 8 تەلەسكوپ قويىپ، زەرتتەۋلەرىن باستاعان. مامانداردىڭ بۇل ەڭبەگى ءوز ناتيجەسىن بەرىپ، ادامزات تاريحىندا العاش رەت قارا قۇردىمنىڭ فوتوسى ءتۇسىرىلدى. ونى ءتۇسىرۋ مەن زەرتتەۋ، سونداي- اق جاريالاۋ ءۇشىن 2 جىلداي ۋاقىت كەتكەن.

قارا قۇردىم — جويقىن تارتىلىس كۇشى ارقىلى بۇكىل ماتەريا مەن جارىق نۇرىن ەش جىبەرمەي وزىنە تارتىپ الاتىن ماسساسى وتە اۋىر جۇلدىزدىق دەنە (ۇڭگىر ەمەس) . ونىڭ ماسساسى وتە جوعارى، تارتىلىس كۇشى ءورىسى تىم جويقىن بولعاندىقتان، ەشقانداي ماتەريا، ماگنيتتى تولقىن، جارىق جىلدامدىعىندا قوزعالادى دەلىنەتىن جارىق رادياتسياسى ودان قاشىپ قۇتىلا المايدى. بەتىنە تۇسكەن جارىق ەشقاشان كەرى شاعىلىسپايدى، سىرتقا ەش جارىق شىعارمايدى. ال ار جاعى جۇمباق الەم. قارا قۇردىم كۇننەن 21 ميلليارد ەسە اۋىر. ول جەردەن 57 ميلليون جارىق جىلىندا ورنالاسقان.

Massaget.kz 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى