ەگىن جيناۋ ناۋقانى وتە قيىن جاعدايدا ءوتىپ جاتىر

ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ق ر اۋىل شارۋاشىلىعى ءبىرىنشى ۆيتسە- ءمينيسترى ايداربەك ساپاروۆ وسىلاي دەدى، دەپ حابارلايدى قازاقپارات ءتىلشىسى.

«وزدەرىڭىز بىلەتىندەي، 20 - تامىزدا ەگىن جيناۋ ناۋقانىنا كىرىستىك. جالپى، 25 - تامىزدان باستاپ بۇكىل وڭىرلەر بۇل جۇمىستى باستاپ كەتكەن بولاتىن. ەگىن جيناۋ ناۋقانى قيىن جاعدايدا ءوتىپ جاتىر. شىندىعىن ايتۋ كەرەك. بارلىعى اۋا- رايى جاعدايىنا بايلانىستى. سەبەبى، سولتۇستىك قازاقستان، اقمولا، قوستاناي وبلىستارىن الار بولساق، ول وڭىرلەردە 12-15 كۇن بويى جاۋىن جاۋدى. كۇنارا جاڭبىر جاۋعان كەزدەر بولدى» ، - دەدى ۆيتسە- مينيستر.

ايداربەك ساپاروۆتىڭ ايتۋىنشا، ايتسە دە، ەگىن جيناۋ باعىتىندا مەملەكەت تاراپىنان بارلىق جاعدايلار جاسالعان.

«بىرىنشىدەن، جانار- جاعارماي 100 پايىز بەرىلدى. كەستە بويىنشا اي سايىن تاپسىرىلدى. تەحنيكا دايىن. بارلىعى جوندەۋدەن وتكەن. شارۋاشىلىق باسشىلارى جۇمىستى بارىنشا جوعارى دەڭگەيدە جۇرگىزىپ جاتىر. جالپى، اۋا رايى اشىلسا، 10-12 كۇننىڭ ىشىندە ەگىن جيناۋ ناۋقانىن اياقتايمىز» ، - دەدى ول.

ۆيتسە- ءمينيستردىڭ ايتۋىنشا، وبلىستار بەرگەن مالىمەت بويىنشا قازىرگى ۋاقىتتا ەلىمىزدەگى ەگىن القابىنىڭ 12,4 ميلليون گەكتارى - 81,4 پايىزى ورىلىپ قويعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى