ەلوردادا جاس ۇستازداردىڭ باسپانا ماسەلەسىن شەشەتىن ورتالىق اشىلدى

جاڭا ورتالىق - بۇل جاي ۇستازدار تۇراتىن ورىن عانا ەمەس، جاس مۇعالىمدەر ساباقتان العان اسەرىمەن بولىسەتىن، زاماناۋي يدەيالار مەن يننوۆاتسيالىق ءبىلىم بەرۋ جوبالارىن تالقىلايتىن ديالوگ الاڭى.

ەلوردالىق جاس مۇعالىمدەر كلۋبى مەن كوشباسشىلاردىڭ رەزەرۆ مەكتەبى دە وسى جەردە جۇمىسىن جالعاستىرادى.

«جاستار ءوزىنىڭ بىلىكتىلىگىن ارتتىرۋ ءۇشىن وسىندا تاجىريبەلى پەداگوگتاردى شاقىرىپ تۇرامىز»، - دەيدى نۇر- سۇلتان قالالىق ءبىلىم باسقارماسىنىڭ باسشىسى ءانۋار جانعوزين.

ايتا كەتەيىك، ورتالىقتا شاحمات، ۇستەل تەننيسى قويىلعان دەمالىس بولمەسى، كىتاپحانا، اسحانا، وقۋ سىنىپتارى بار.

قازىرگى ۋاقىتتا 200 دەن استام جاس ۇستاز كىلتتەرىن الىپ، قونىستانا باستادى.

ۇمىتكەرلەر كەلەسى كريتەريلەر بويىنشا تاڭدالدى: پەداگوگيكالىق ءبىلىم (ۇزدىك ديپلوم العاندارعا ارتىقشىلىق بەرىلەدى)، جالپى جۇمىس ءوتىلى 5 جىلعا دەيىن (نۇر-سۇلتان قالاسىنىڭ ءبىلىم بەرۋ ۇيىمدارىندا).

ۇمىتكەرلەردى تاڭداۋ كەزىندە پەداگوگيكالىق قىزمەتتە جەتىستىكتەرى بار جانە ءبىلىم بەرۋ ۇيىمىنىڭ قوعامدىق ومىرىنە قوسقان ۇلەسىن ەسكەرە وتىرىپ، جاس مۇعالىمدەرگە ارتىقشىلىق بەرىلەدى.

وتىنىمدەردى ءبىلىم باسقارماسىنداعى كوميسسيا قارايدى. ونىڭ قۇرامىنا كاسىپوداق، قوعامدىق ۇيىمدار، قر سىبايلاس جەمقورلىققا قارسى ءىس-قيمىل اگەنتتىگى، ب ا ق وكىلدەرى، اتا-انالار قاۋىمداستىعى كىردى.

ءا. جانعوزيننىڭ ايتۋىنشا، وسى ورتالىقتى اشۋ ارقىلى ءبىلىم بەرۋ ۆەدومستۆوسى ەلورداداعى كاردلىق تاپشىلىقتى شەشۋگە قادام جاساپ وتىر. ويتكەنى باسپانا ماسەلەسىنە الاڭداعان وڭىرلەردەگى بىلىكتى جاس ۇستازدار ەلورداعا كەلە بەرمەيدى.

«جاس مۇعالىمدەردىڭ ەڭبەكاقىسى پاتەر جالداۋعا جەتپەيتىنىن ەسكەرە كەلە، بۇل ورتالىقتا ءبىر ايداعى تولەم 17 مىڭ تەڭگە بولادى»، - دەدى ول.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى