الماتى وبلىسىندا وقۋشىلار مىنگەن اۆتوبۋس جول اپاتىنا ۇشىرادى
«وقيعا جامبىل اۋدانىندا بولعان. قازىر 9 وقۋشى ۇزىناعاشتاعى اۋداندىق اۋرۋحانادا جاتىر. بالالاردىڭ بارلىعى - الماتى قالاسى المالى اۋدانىنداعى ءبىر مەكتەپتىڭ وقۋشىلارى. ولار اۆتوبۋسپەن تاڭبالى تاستى كورۋگە ساياحاتتاپ شىققان. جاپا شەككەندەردىڭ بارلىعىنىڭ جاعدايى جاقسى. دارىگەرلەر جەتكىنشەكتەرگە جان-جاقتى تەكسەرۋ جۇرگىزىپ جاتىر»، - دەدى الماتى وبلىسى اكىمىنىڭ باسپا ءسوز حاتشىسى عالىمۇرات جۇكەل.
ۆەدومستۆو وكىلىنىڭ مالىمەتىنشە، قازىر وقيعا ورنىندا جامبىل اۋدانىنىڭ اكىمى باعدات اليەۆ جانە پروكۋراتۋرا مەن وزگە دە قۇزىرلى ورگان وكىلدەرى جول اپاتىنىڭ تولىق ءمان-جايىن انىقتاپ جاتىر.
اۆتور: سامال قابىشەۆا
