قىلمىس ءجيى جاسالاتىن جەرلەرگە مودۋلدىق بەكەتتەر ورناتىلادى
ءى ءى م حالىققا ىڭعايلى بولۋ ءۇشىن كريمينوگەندىك ۋچاسكەلەردە جانە قۇقىق بۇزۋشىلىققا بەيىم جەرلەردە مودۋلدىك ۇلگىدەگى ستاتسيونارلىق پوليسيا بەكەتتەرىن ورناتۋدى جوسپارلاپ وتىر.
«مودۋلدىك بەكەتتەر بارلىق كوممۋنالدىق جايلىلىعىمەن (جەلدەتكىش، سۋ قۇبىرى، كارىز، جىلۋ) ، كوممۋنيكاتسيا (كومپيۋتەر، تەلەفون، راديوستانتسيا) جانە قاۋىپسىزدىك (بەينەباقىلاۋ، «شاقىرۋ دوموفونى» جۇيەسى) جۇيەلەرىمەن جاراقتاندىرىلادى. وسىنداي بەكەتتە پوليتسەيلەر تاۋلىك بويى قىزمەت كورسەتەدى. تاڭعى 8.00 دەن كەشكى 20.00 گە دەيىن ۋچاسكەلىك پوليسيا ينسپەكتورى بەكەتتە بولادى جانە ازاماتتاردىڭ ءوتىنىش- ارىزدارىن قابىلدايدى» دەلىنگەن حابارلامادا.
كۇزەت ورىندارى مەن ىرگەلەس اۋماقتاردا قۇقىقتىق ءتارتىپتى جانە ازاماتتاردىڭ قاۋىپسىزدىگىن قورعاۋ ءۇشىن پاترۋلدىك قىزمەتتىڭ كەزەكشىلىگى ۇيىمداستىرىلادى.
بۇل جاڭالىق ازاماتتاردىڭ وتىنىشتەرىنە پوليسيانىڭ ۋاقىتىلى جانە ساپالى ارەكەت ەتۋىن قامتاماسىز ەتەدى، ولاردى قىلمىستىق قول سۇعۋشىلىقتان قورعاۋ تيىمدىلىگىن ارتتىرادى دەپ كۇتىلۋدە.
مودۋلدىك ۇلگىدەگى ستاتسيونارلىق بەكەتتەر جەرگىلىكتى اتقارۋشى ورگانداردىڭ جاردەمىمەن قىلمىس ءجيى جاسالاتىن جەرلەرگە ورناتىلادى.
