الماتى وبلىسى اكىمىنىڭ ورىنباسارى باعدات مانزوروۆ ۇستالدى
«الماتى وبلىسى اكىمىنىڭ ورىنباسارى مانزوروۆ مىرزا شىنىمەن دە ۇستالعانىن راستايمىن. قازىرگى كەزدە ول ۋاقىتشا ۇستاۋ يزولياتورىندا قاماۋدا وتىر»، - دەدى و. بەكتەنوۆ پارلامەنت سەناتىندا تىلشىلەر ساۋالىنا جاۋاپ بەرە وتىرىپ.
ونىڭ سوزىنە قاراعاندا، ونىڭ جاساعان ارەكەتىن باعالاۋ بويىنشا ماسەلە قارالىپ جاتىر.
«بۇدان باسقا اقپاراتتى جاريالاي المايمىن. وزدەرىڭىز بىلەسىزدەر، تەرگەۋ قۇپيالىعى بار، سونداي-اق قىلمىستىق ءىس جۇرگىزۋدىڭ تالاپتارىن دا ۇمىتپاۋ كەرەك. ءتيىستى اقپارات بولعان جاعدايدا، ونى بۇقارالىق اقپارات قۇرالدارىنا جاريالايمىز»، - دەدى ولجاس بەكتەنوۆ.
ەسكە سالا كەتەيىك، مانزوروۆ باعدات سايلانباي ۇلى بيىل شىلدە ايىندا الماتى وبلىسى اكىمىنىڭ ورىنباسارى قىزمەتىنە تاعايىندالعان بولاتىن.
اۆتور: رۋسلان عابباسوۆ
