اتامبايەۆتىڭ وققاعارى ۇستالدى

بۇل تۋرالى ادۆوكات زامير جووشيەۆ پەن ق س د پ ءتوراعاسىنىڭ ورىنباسارى كۋندۋز جولدۋبايەۆا حابارلادى دەپ جازدى ورتالىق ازيا جاڭالىقتار قىزمەتى.

باسىلىمنىڭ مالىمەتىنشە، الەۋمەتتىك جەلىدە ساگىمبايەۆتى كىسەندەپ اكەتىپ بارا جاتقانى بەينەلەنگەن ۆيدەو جاريالانعان.

ال رەسمي ورگاندار بۇعان قاتىستى مالىمەت تاراتپاعان.

حابارلارعا قاراعاندا، ساگىمبايەۆ بۇنىڭ الدىندا اسكەري پروكۋراتۋرادا بىرنەشە ساعات بويى تەرگەلگەن.

قانات ساگىمبايەۆتى مەملەكەتتىك كۇزەت المازبەك اتامبايەۆتى قورعاۋدى تاپسىرعان. ول 20- قىركۇيەكتە جۇمىستان شىعارىلعان. ارنايى قىزمەتتىڭ حابارلاۋىنشا، ساگىمبايەۆ بيىل ماۋسىم ايىندا باسشىلىقتىڭ قىزمەت قارۋىن تاپسىرۋ تۋرالى بۇيرىعىنا باعىنباعان. سول سەبەپتى وعان سوگىس جاريالانعان.

ساگىمبايەۆتىڭ جاقتاستارى ونىڭ قىزمەتتەن الىنۋىنا نەگىز جەتكىلىكسىز دەپ ەسەپتەيدى.

ەسكە سالا كەتسەك، 27- ماۋسىمدا اتامبايەۆ ەكس-پرەزيدەنت مارتەبەسىنەن ايىرىلعان. بۇرىنعى قىرعىزستاننىڭ باسشىسى وسى ماسەلەگە قاتىستى شاعىم تۇسىرگەن.

ونى بىرنەشە رەت سوتقا شاقىرعان. ال شىلدەنىڭ سوڭىندا تەرگەۋشىلەر اتىشۋلى قىلمىسكەر ازيز باتۋكايەۆتى زاڭسىز بوساتۋعا قاتىستى جاۋاپ الۋ ءۇشىن اتامبايەۆتىڭ رەزيدەنتسياسىنا بارعان. ءبىراق ولاردى ىشكە كىرگىزبەگەن.

7- شىلدەدە قىرعىزستاندا بۇرىنعى پرەزيدەنتى المازبەك اتامبايەۆتى ۇستاۋ وپەراتسياسى باستالعانى حابارلاندى.

ارنايى جاساق ونىڭ قوي-تاشتاعى رەزيدەنتسياسىنا شابۋىل جاساعانىمەن، بۇرىنعى باسشىسىنىڭ جاقتاستارى ولارعا تويتارىس بەرە بىلگەن.

الايدا 8- تامىزدا قارۋلى كۇشتەر شابۋىلدى قايتا باستاپ، ناتيجەسىندە اتامبايەۆتىڭ ءوزى بەرىلگەن.

اتامبايەۆقا قۇقىق قورعاۋ ورگاندارىنىڭ قىزمەتكەرلەرىنە قارسى كۇش قولدانعانى، جاپپاي تارتىپسىزدىكتەر ۇيىمداستىرعانى، كىسى ءولتىرۋدى ۇيىمداستىرىپ، كىسى ولتىرۋگە وقتالعانى، ادامداردى تۇتقىنعا العانى سياقتى 14 ايىپ تاعىلۋدا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى