رەسەي جاپون اسكەري تۇتقىندارىنىڭ سۇيەكتەرىن ىزدەۋگە رۇقسات بەرمەدى
بۇل اقپاراتتى جاپونيانىڭ قوعامدىق ارناسىنا سىلتەمە جاساعان ت ا س س اگەنتتىگى حابارلادى.
جاپونيانىڭ اقپارات قۇرالدارىنىڭ حابارلاۋىنشا، زەرتتەۋ توبى رەسەيگە قىركۇيەك ايىنىڭ سوڭىندا اتتانۋى ءتيىس بولعان، الايدا ماسكەۋ جاپونيانىڭ سىرتقى ىستەر مينيسترلىگىنە «ءبىرقاتار ماسەلەلەرگە» بايلانىستى قازبا جۇمىستارىن جۇرگىزۋ مۇمكىن ەمەس دەپ ايتقان. ماسكەۋدىڭ نەنى مەڭزەگەنى ازىرگە بەلگىسىز.
ال توكيو قازبا جۇمىستارىن جالعاستىرۋ بويىنشا ماسكەۋمەن قايتا كەلىسسوز وتكىزۋگە قۇلىقتى. رەسەيلىك ۆەدومستۆو قازبا جۇمىستارىنا رۇقسات بەرمەۋىنىڭ سەبەبىن تۇسىندىرگەن جوق.
بۇعان دەيىن جاپونيانىڭ دەنساۋلىق ساقتاۋ مينيسترلىگى بىرنەشە جىل بۇرىن بايكال وڭىرىنەن قازىپ اكەتىلگەن سۇيەكتەر جاپون تۇتقىندارى ەمەس دەگەن قورىتىندى جاساعان. دەرەك بويىنشا، رەسەيدەن جاپونياعا ءار جىلدارى جالپى سانى 597 سۇيەك جەتكىزىلگەن. جاپون عالىمدارى د ن ق- سىناق جۇرگىزىپ، قورىتىندىسىن جاريالادى. جاپونيا جاعىنىڭ سۇيەكتەردى رەسەيگە قايتارماعانى حابارلانعان.
ەكىنشى دۇنيەجۇزىلىك سوعىس 1945-جىلى قىركۇيەكتىڭ 2 سىندە جاپونيانىڭ كاپيتۋلياتسيا اكتىسىنە قول قويۋىمەن اياقتالدى. ساحالين مەن كۋريل ارالدارىندا شامامەن 600 مىڭ جاپون ساربازى موڭعوليا جانە سوۆەت وداعى اۋماعىنداعى لاگەرلەرگە جىبەرىلدى. جاپونيا تارابىنىڭ دەرەگىنشە، لاگەردە شامامەن 55 مىڭ ادام ولگەن، 33 مىڭىنىڭ سۇيەگى بۇرىنعى س س س ر مەن موڭعوليادا دەپ ايتىلادى.
