بەيجىڭدە تەڭىز جۇلدىزى پىشىندەس الەمدەگى ەڭ ۇلكەن اۋەجاي اشىلدى

بۇل - الەمدەگى ەڭ ءىرى اۋەجاي. اۋماعى - 700 مىڭ شارشى مەتردى قۇرايدى، دەپ حابارلايدى قازاقپارات BBC- گە سىلتەمە جاساپ.

جالپى شىعىنى 11 ميلليارد دوللاردى قۇراعان اۋەجاي رەسمي تۇردە سارسەنبى كۇنى، قىتاي حالىق رەسپۋبليكاسىنىڭ 70 جىلدىعىنا بىرنەشە كۇن قالعاندا اشىلدى. اشىلۋ سالتاناتىنا ق ح ر كوشباسشىسى شي جينپيڭ قاتىستى.

حالىقارالىق اۋەجايلار كەڭەسىنىڭ مالىمەتىنشە، دانسي اتلانتا اۋەجايىنان كەيىنگى ادامداردىڭ كوپ كەلۋى جونىنەن ەكىنشى اۋەجاي بولماق.

«قىتاي بيلىگى جاڭا اۋەجاي بەيجىڭ ەلوردالىق حالىقارالىق اۋەجايىنىڭ جۇمىسىن جەڭىلدەتۋ ءۇشىن قاجەت ەكەنىن ايتادى. ول جىلىنا 130 ميلليون جولاۋشىنى قابىلداي الادى دەپ كۇتىلۋدە»، دەپ جازادى قىتايدىڭ Global Times باسىلىمى.

داسيننىڭ ءتورت ۇشىپ-قونۋ جولاعى جانە 150 ۇشاققا ارنالعان تۇراق ورنى بار. ول 116 باعىت بويىنشا رەيس جاسايدى. ونىڭ 101 ءى - ىشكى، 15 ءى - حالىقارالىق رەيستەر.

اشىلعان كۇنى جاڭا اۋەجايدان 7 اۋە كومپانياسى رەيس جاساماق. China Southern Airlines اۋە كومپانياسىنىڭ العاشقى رەيسى اۋەجايدان جەرگىلىكتى ۋاقىت بويىنشا 16:23 تە ۇشتى.

كەيبىر حالىقارالىق اۋە كومپانيالارى، سونىڭ ىشىندە British Airways، داسينگە رەيستەردىڭ ۇشاتىنى تۋرالى حابارلاپ ۇلگەردى.

Global Times اتاپ كەتكەندەي، جولاۋشىلار قاۋىپسىزدىك تەكسەرىسى كەزىندە قانداي دا ءبىر قۇجاتتار نەمەسە وتىرعىزۋ تالونىن كورسەتىپ اۋرە بولمايدى، سەبەبى اۋەجاي ادامدى تانۋ جۇيەسىمەن جابدىقتالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى