ۇلتتىق سپورت فەستيۆالى: ۇزدىك كوكپارشىلار انىقتالدى

فەستيۆالگە قاتىسقان ەلىمىزدىڭ 12 كوكپار كومانداسى اراسىنان ۇزدىك شىققان ءتورت كوماندا تاڭەرتەڭنەن باستاپ جۇلدەلى ورىنداردى ساراپقا سالدى. سولتۇستىك قازاقستان وبلىسى مەن اقتوبە وبلىسى كوماندالارى اراسىنداعى باسەكە 3:2 ەسەبىمەن اياقتالىپ، اقتوبەلىك كوكپارشىلار قولا جۇلدەگە قول جەتكىزدى.

ال، فينالدىق ويىندا ق ر ەڭبەك سىڭىرگەن جاتتىقتىرۋشىسى نۇرداۋلەت مومىنوۆتىڭ شاكىرتتەرى فەستيۆالدەگى كوكپار باسەكەسىنىڭ باس جۇلدەسىن قانجىعاعا بايلادى. «اۋليە- اتا» (جامبىل وبلىسى) مەن «قۇلاگەر» (تۇركىستان وبلىسى) اراسىنداعى اقتىق ويىن 3:1 ەسەبىمەن اياقتالدى.

ەسكە سالا وتەلىك، «اۋليە-اتا» كومانداسى «قۇلاگەر» كومانداسىنان بيىلدىققا ەكىنشى رەت باسىم ءتۇستى.

1 -ورىن - جامبىل وبلىسىنىڭ «اۋليە-اتا» كوكپار كومانداسى

2 -ورىن - تۇركىستان وبلىسىنىڭ «قۇلاگەر» كوكپار كومانداسى

3 -ورىن - اقتوبە وبلىسىنىڭ كوكپار كومانداسى.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى