اقمولا وبلىسىندا كوپبالالى وتباسىلارعا ىستان قورعايتىن داتچيكتەر ورناتىلۋدا
«وبلىستا وسىنداي 499 داتچيكتەر ورناتىلدى، تاعى 303 داتچيكتەر ورناتۋ جوسپارلانۋدا. سونىمەن قاتار تابىسى تومەن جانە حالىقتىڭ الەۋمەتتىك وسال توپتارىنا كوپبالالى وتباسىلارعا باستى نازار اۋدارىلادى، - دەدى بريفينگ سپيكەرى ءزىلزالالاردىڭ قاۋىپ-قاتەرىن ازايتۋ جانە ازاماتتىق قورعاۋ سالاسىنداعى باقىلاۋ باسقارماسىنىڭ باستىعى دەنيس شەلكوپلياسوۆ.
سونىمەن قاتار، وبلىستا اعىمداعى جىلعى 15 -تامىزدان باستاپ جىلىتۋ ماۋسىمى باستالار الدىندا تۇرعىن ءۇي سەكتورىندا ءورت قاۋىپسىزدىگى ايلىعى وتكىزىلۋدە. ايلىق بارىسىندا ءىس- شارالار تۇرعىلىقتى جەرى بويىنشا حالىقتى ءورت قاۋىپسىزدىگى شارالارىنا جانە پەشپەن جىلىتۋدى پايدالانۋ كەزىندەگى ءورت قاۋىپسىزدىگى ەرەجەلەرىنە، ەلەكتر جىلىتقىشتار مەن ءورت شىققان جاعدايدا ءىس- قيمىلعا ۇيرەتۋگە باعىتتالعان. حالىقتى وقىتۋ ءۇي- ۇيلەردى ارالاۋ، تۇرعىندارمەن جيىن وتكىزۋ بارىسىندا جۇرگىزىلەدى.
سپيكەر 2018-2019 -جىلدارداعى جىلىتۋ كەزەڭىندە جۇرگىزىلىپ جاتقان ۇگىت-پروفيلاكتيكالىق جۇمىستارعا قاراماستان وبلىستا 328 ءورت تىركەلگەندىگىن، ماتەريالدىق شىعىن 36 ميلليون 360 مىڭ تەڭگەنى قۇراعاندىعىن ايتتى. سەگىز ادام ءتۇرلى دارەجەدە دەنە جاراقاتىن الدى. ءورت كەزىندە 17 ادام قازا بولدى. سونىمەن قاتار، 2018-2019 -جىلدارى جىلۋ بەرۋ كەزەڭىندە ت ج د ءورت ءسوندىرۋ بولىمشەلەرى 21 ادامدى جانە 20 ميلليون تەڭگەدەن استام ماتەريالدىق قۇندىلىقتاردى قۇتقاردى.
«ءورتتىڭ نەگىزگى سەبەپتەرى تۇرعىنداردىڭ وت جاعۋ كەزىندە سالعىرتتىق تانىتۋى، پەشتەردى ورناتۋ جانە پايدالانۋ كەزىندە ءورت قاۋىپسىزدىگى ەرەجەلەرىن ساقتاماۋ، ەلەكتر جابدىقتارىن مونتاجداۋ جانە تەحنيكالىق پايدالانۋ ەرەجەلەرىن بۇزۋ بولىپ تابىلادى»، - دەپ قورىتىندىلادى دەنيس سەرگەيەۆيچ.
