ءابىش كەكىلبايەۆ مۋزەيى اشىلادى
بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن بريفينگتە اقتاۋ قالالىق قۇرىلىس ءبولىمىنىڭ باسشىسى ەلدار ماشىرىقوۆ ايتتى.
«قىركۇيەك ايىنىڭ اياعىندا تاپسىرامىز دەپ جوسپارلانعان مادەني ورتالىقتىڭ دايىندىق جۇمىستارى قارقىندى جۇرگىزىلىپ جاتىر. قازىرگى ۋاقىتتا اكتىلەرى، قۇرىلىسقا قاجەتتى قۇجاتتارى جاساقتالىپ، تاپسىرۋعا دايىنداپ جاتىرمىز. ال كىتاپحانا مەن مۋزەي قۇرىلىسى 2020 -جىلدىڭ اياعىندا بىتەدى»، - دەدى ە. ماشىرىقوۆ.
مۇراجايدىڭ الدىندا ءابىش كەكىلبايەۆتىڭ ەسكەرتكىشى بولادى. جوبانىڭ ينۆەستورلارى يتالياندىق كومپانيا. ەكى مىڭ ورىندىق كىتاپحانا مەن تەاتردى بىرىكتىرەتىن بۇل ورتالىق 10 گەكتار اۋماقتى قامتىپ وتىر. جوبا اۆتورلارى - ەلوردالىق ماماندار. سونداي-اق، كىتاپحانادا 304 مىڭ كىتاپ بولادى.
ايتا كەتەيىك، مۇراجايدىڭ اشىلۋى 12 -قازانعا جوسپارلانعان.
ەسكە سالساق، بۇعان دەيىن ق ر پرەزيدەنتى ءابىش كەكىلبايەۆ مۋزەيىن ۋاقتىلى ءبىتىرۋدى تاپسىرعان بولاتىن.
اۆتور: ءلايلىم ءالىم
