اعاش وتىرعىزۋ ارقىلى دا جەمقورلىقتىڭ الدىن الۋعا بولادى
اكسيا «اقمولا - ادالدىق الاڭى» جوباسى شەڭبەرىندە ءوتتى. اعاش وتىرعىزۋ ءۇشىن اتالمىش دەپارتامەنت قىزمەتكەرلەرى ابىلاي حان داڭعىلى مەن سۇلەيمەنوۆ كوشەلەرى قيىلىسىندا ورنالاسقان ساياباقتى تاڭدادى.
قولايلى ەكولوگيالىق كليمات قۇرۋ ارقىلى پاراساتتىلىقتى تاربيەلەۋ تۋرالى ق ر سىبايلاس جەمقورلىققا قارسى ءىس- قيمىل اگەنتتىگىنىڭ اقمولا وبلىسى بويىنشا دەپارتامەنتىنىڭ باسشىسى مۇرات تولەۋبايەۆ ءوز پىكىرىمەن ءبولىستى.
«ەكولوگيالىق مادەنيەتتى ناسيحاتتاي وتىرا، ءبىز ازاماتتاردىڭ بويىندا پاراساتتىلىقتى قالىپتاستىرۋعا زور ءمان بەرەمىز. بۇل اكسيا ءوڭىرىمىزدى اباتتاندىرۋعا، يگىلىكتەندىرۋگە عانا ەمەس، سونىمەن قاتار جاستاردى پاتريوتتىق تۇرعىدا تاربيەلەۋگە جانە ولاردىڭ بولاشاق ءۇشىن جاۋاپكەرشىلىك سەزىمىن ارتتىرۋعا باعىتتالعان. بۇگىن ءبىزدىڭ تاعى ءبىر مارتە ولار ءۇشىن جاعىمدى مىسال بولعانىمىز قۋانتادى»، - دەيدى مۇرات تولەۋبايەۆ.
«اقمولا - ادالدىق الاڭى» جوبالىق كەڭسەسىنىڭ باسشىسى ساميرا تايتەنوۆانىڭ ايتۋىنشا، اعاشتار سۋىققا ءتوزىمدى، سوندىقتان تەز ءوسىپ كەتەتىنىنە كۇمان جوق. اتالعان اكسيانىڭ ءبىرجولعى شارا ەمەس ەكەندىگىن اتاپ وتكەن ءجون. دەپارتامەنت قىزمەتكەرلەرى كوكشەتاۋ قالاسى اكىمدىگىنىڭ قىزمەتكەرلەرىمەن بىرلەسىپ ەكولوگيالىق اكسيالار مەن سەنبىلىكتەرگە ءجيى قاتىسىپ كەلەدى.
اۆتور: اسلان وسپانوۆ
