اقان ساتايەۆ: «توميريستى» كورسە يراندىقتاردىڭ پىكىرى وزگەرەدى

«تاريح جاعىنان ءبىزدىڭ كەڭەسشىمىز - الماس بايمۇحان ۇلى وردابايەۆ. ءار ءتۇسىرىلىم كۇنىندە ول تاريحشى ءبىزدىڭ قاسىمىزدا بولدى. ول كىسىلەرسىز ءبىز ءبىر قادام دا جاسامايمىز» ، - دەدى اقان ساتايەۆ و ك ق- دا وتكەن باسپا ءسوز ءماسليحاتىندا.

رەجيسسەردىڭ ايتۋىنشا، «توميريس» فيلمىنىڭ سەناريىنە ءاليا نازاربايەۆانىڭ دا قاتىسى بار.

«تيمۋر جاقسىلىقوۆ ەكەۋى سەناريدىڭ يدەياسىن باسىنان باستاپ ايتتى. سونىمەن قاتار، ايتا كەتەيىن: فيلمدە تاعى ءبىر جارقىن تۇلعا بار - ول كير پاتشا. مەن ونى سول زاماننىڭ ۇلى تۇلعالارىنىڭ ءبىرى دەپ ەسەپتەيمىن. ءبىز بۇل پەرسوناجعا وتە زور قۇرمەتپەن قارادىق. سوندىقتان، يراندىق كورەرمەندەر ءبىزدىڭ كارتينانى كورسە - اسا ءبىر ءۋاج بولا قويمايدى. سەبەبى، بۇر جەردە سۇراقتى گەرودوتقا قويۋ كەرەك. بۇل - سول تۇلعانىڭ ايتقانى. الەمدەگى حالىقتاردىڭ 90 پايىزى بۇل تاريحتى سولاي قابىلدايدى» ، - دەدى اقان ساتايەۆ.

ەسكە سالا كەتسەك، «توميريس» فيلمىنىڭ ترەيلەرىن جاريالاعان كەزدە رەجيسسەر يراندىق كورەرمەندەردىڭ سىنىنا قالعان بولاتىن.

«دوستار، «توميريس» فيلمىنىڭ ترەيلەرى شىققان سوڭ، ماعان يران ازاماتتارى پىكىر جازا باستادى. ولاردىڭ ويىنشا، ءبىز تاريحتى بۇرمالاپ جاتىر ەكەنبىز، گەرودوت توميريس پاتشايىمنىڭ پارسى پاتشاسى كيرگە قارسى كۇرەسىن ويدان شىعارعان.. . «توميريس» فيلمىنە سەناري جازاردا اۆتورلار بۇكىل الەم مويىنداعان گەرودوت ەڭبەكتەرىنە سۇيەندى. بۇل فيلممەن ەشكىمنىڭ قىتىعىنا تيگىمىز كەلمەيدى، سەبەبى ءبىز شىعارماشىلىق كينونى قالايمىز. ونىڭ ۇستىنە، ءوز زامانىنىڭ ۇلى بيلەۋشىسى بولعان كير پاتشانى ەرەكشە قۇرمەتتەيمىز» ، - دەپ جازدى ا. ساتايەۆ ول سىنعا قاتىستى ءوزىنىڭ Instagram پاراقشاسىنا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى