بالقاشتا سازان سيرەپ، جىلانبالىق كوبەيىپ كەتكەن

 ۆيكتور مىتىركو ءار كۇنىن قامىستىڭ تۇبىنە قۇرعان تورىن تەكسەرۋدەن باستايدى. كانىگى بالىقشى بۇگىن دە ءسويتتى. اۋلانعانى -  تەك جىلانبالىق. ال جالعىز جايىن كىشكەنتاي بولعاندىقتان، قايتادان سۋعا جىبەرىلدى.

 ۆيكتور مىتىركو، بالىقشى: -  سازان ازايىپ بارادى. ونى اۋلايتىندار كوپ. ءوسىپ، ۇلگەرمەي جاتىر. ال جىلانبالىق جىلدام وسەدى. اۋىلدىق وكرۋگتە سۋ مارجانىن سۇزەتىن 4 سەرىكتەستىك بار. ولار جىلىنا 3 مىڭ توننا بالىق اۋلايدى. ءونىمدى وتاندىق نارىققا شىعارىپ، رەسەيگە جونەلتەدى.

 مۇنداعى ماماندار دا سۋداعى كەيبىر تىرشىلىك يەلەرىنىڭ سيرەپ بارا جاتقانىن ايتىپ وتىر.

سەيىتجان ساتانوۆ، بالىق شارۋاشىلىعىنىڭ باس ينجەنەرى: -  ەڭ العاش 2008 -جىلى كوردىم. كوبەيىپ كەتتى. سازان، كوكسەركە ازايىپ بارا جاتىر. بالىق شارۋاشىلىعىمەن اينالىساتىندار جىل سايىن كولگە مايشاباق جىبەرەدى. مۇنداي جۇمىس اۋلانعان بالىقتاردىڭ ورنىن تولتىرۋعا از دا بولسا، وڭ اسەرىن تيگىزىپ وتىر.

قادىرحان احمەتوۆ، قۇيعان اۋىلدىق وكرۋگىنىڭ اكىمى: -  كوبىنەسە شەلەكتەن، توعان شارۋاشىلىعىنان مايدا شاباقتاردى جىبەرىپ جاتىر. جىلدا 1 ميلليونعا دەيىن. قازىر 4,5-5 كەلىلىك امۋرلار شىعىپ جاتىر. ماسەلەنى تۇپكىلىكتى شەشۋ ءۇشىن ايماقتا بالىق ءوسىرۋ ءىسىن جولعا قويۋ كەرەك. ءارى پوليەتيلەننەن جاسالعان اۋ قۇراتىندارعا توقتاۋ سالۋ قاجەت. سوندا عانا بالقاشتىڭ بالىعى تايداي تۋلايتىن بولادى.

 اۆتورلارى: شىڭعىس قاليدەن، قۋانىش تۇرگەنبايەۆ

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى