مەيىرىم نۇرسۇلتانوۆ كانەلو-كوۆاليەۆ ايقاسىنىڭ اندەركارتىندا جەكپە-جەككە شىعادى

«قازاقستان كاسىپقوي بوكسى» ۆكونتاكتە پاراقشاسىنان حابارلانعانداي، وتاندىق فايتەر 2- قاراشادا لاس-ۆەگاستاعى MGM Grand بوكس كەشىندە ونەر كورسەتەدى. ونداعى باستى جەكپە-جەكتە مەكسيكالىق ساۋل «كانەلو» الۆارەس (52-1-2، 35 ك و) پەن رەسەيلىك سەرگەي كوۆاليەۆ (34-3-1، 29 ك و) كەزدەسەدى. مەيىرىم نۇرسۇلتانوۆتىڭ قارسىلاسىنىڭ كىم ەكەنى ازىرگە بەلگىسىز.

ەسكە سالا كەتسەك، مەيىرىم نۇرسۇلتانوۆ بۇعان دەيىن سوڭعى رەت رەسەيدىڭ چەليابى قالاسىندا WBO بەلبەۋىنە تالاسقان بوكسشىلار سەرگەي كوۆاليەۆ - ەنتوني يارد ايقاسىنىڭ اندەركارتىندا ونەر كورسەتكەن بولاتىن. مەيىرىم نۇرسۇلتانوۆ ول كەزدە رەسەيلىك ارتۋر وسيپوۆپەن (15-1، 10 ك و) كەزدەسۋ وتكىزىپ، 10 راۋندقا شاقتالعان ورتا سالماقتاعى ايقاس مەيىرىمنىڭ جەڭىسىمەن اياقتالدى. ءادىلقازى ءبىراۋىزدان وسىلاي دەپ شەشتى.

ايتا كەتەيىك، مەيىرىم نۇرسۇلتانوۆ پەن سەرگەي كوۆاليەۆ بۇگىندە «Main Events» پروموۋتەرلىك كومپانياسىندا جۇدىرىقتاسىپ ءجۇر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى