ۇلتتىق سپورت فەستيۆالى: جامبى اتۋدان جەڭىمپازدار انىقتالدى

ق ر ۇلتتىق سپورت قاۋىمداستىعى حابارلاعانداي، فەستيۆالگە نۇر-سۇلتان قالاسى، باتىس قازاقستان، قىزىلوردا، اقمولا، قاراعاندى، ماڭعىستاۋ، سولتۇستىك قازاقستان، قوستاناي، شىعىس قازاقستان، تۇركىستان، ، اتىراۋ وبلىستارىنىڭ مەرگەندەرى قاتىستى.

ات ۇستىنەن ساداق اتۋدان باق سىناعان 13 ءوڭىردىڭ مەرگەندەرى اراسىنان التىن جۇلدەنى 33 ۇپاي يەلەنگەن سۇرمەرگەن ەرالحان ايكوز ولجالادى. كۇمىس جۇلدە 2018-جىلعى قازاقستان چەمپيوناتىنىڭ جەڭىمپازى، قاراعاندىلىق تالعات وماربايەۆقا، قولا جۇلدە اقمولالىق مەرگەن جالعاس قۇرمانعا بۇيىردى.

ۇلتتىق سپورت فەستيۆالىندە جامبى اتۋدان جۇلدەگەر اتانعان سپورتشىلار:

1- ورىن - ەرالحان ايكوز (33 ۇپاي) (تۇركىستان وبلىسى)

2- ورىن - تالعات وماربايەۆ (25 ۇپاي) (قاراعاندى وبلىسى)

3- ورىن - جالعاس قۇرمان (24 ۇپاي) (اقمولا وبلىسى)

4- ورىن - ابزال تۋلىبەكوۆ (15 ۇپاي) (جامبىل وبلىسى)

ال بۇگىن اقتوبە ۋاقىتىمەن ساعات 10:00-دا كوكپاردىڭ فينالدىق ويىندارى باستالادى. سونداي-اق، ءتورت جىلدا ءبىر رەت ۇيىمداستىرىلاتىن V ۇلتتىق سپورت فەستيۆالىنىڭ سالتاناتتى جابىلۋى، جەڭىمپاز سپورتشىلاردى ماراپاتتاۋ ءراسىمى وتەدى.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى